Baqytjan Saǵyntaev Tájikstan Prezıdentimen kezdesti
Kezdesý barysynda energetıka, aýyl sharýashylyǵy, kólik, transshekaralyq sýdy paıdalaný, azamattyq avıatsııa, kóshi-qon, densaýlyq saqtaý, mádenıet, bilim jáne ǵylym salalaryndaǵy eki el arasyndaǵy saýda-ekonomıkalyq yntymaqtastyqtyń qazirgi jaǵdaıy men ony keńeıtý máseleleri talqylandy. Budan ózge, óńiraralyq qatynastardyń perspektıvalyq baǵyttary, Qazaqstan men Tájikstannyń iskerlik qurylymdary arasyndaǵy tikeleı baılanystar, sondaı-aq eki eldiń eksporttyq áleýetin júzege asyrý máseleleri qaraldy.
Eske sala keteıik, keshe, 14 naýryzda Memleket basshysy N. Nazarbaev Tájikstan Prezıdenti E. Rahmonmen shaǵyn jáne keńeıtilgen quramda kezdesý ótkizdi. Kezdesýler barysynda ekijaqty yntymaqtastyq máseleleri jáne olardy odan ári damytý perspektıvalary talqylandy.
Anyqtama: QR men TR arasyndaǵy dıplomatııalyq qatynastar 07.01.1993 jyly ornaǵan. Tájikstan - Qazaqstannyń Ortalyq Azııa aımaǵyndaǵy ekinshi iri saýda seriktesi, onyń úlesine óńir elderimen jalpy saýda aınalymynyń shamamen 20% tıesili.
2017 jyldyń qańtar-jeltoqsan aılaryndaǵy taýar aınalym $776,3 mln qurady, bul ótken jyldyń osyndaı kezeńimen salystyrǵanda 31,5%-ke joǵary kórsetkish ($590,2 mln). Qazaqstannan Tájikstanǵa eksport 2017 jyly 23,3%-ke ósip, $458,7 mln qurady.
