Baqytjan Saǵyntaev SQO-da azyq-túlik ónerkásibiniń damý qarqynymen tanysty
ASTANA. QazAqparat - Soltústik Qazaqstan oblysyna jumys sapary aıasynda Premer-Mınıstr Baqytjan Saǵyntaev óńirde Indýstrıaldy-ınnovatsııalyq damý memlekettik baǵdarlamasynyń iske asyrylý barysymen tanysty, dep habarlaıdy primeminister.kz saıty.
Atap aıtqanda, «Radýga» JShS jeke ındýstrııalyq aımaǵynyń aýmaǵyndaǵy azyq-túlik ónimderi óndirisiniń tehnologııalyq protsesi tekserildi.
Aralaý barysynda Baqytjan Saǵyntaevqa Indýstrıaldy-ınnovatsııalyq damý memlekettik baǵdarlamasy aıasynda júzege asyrylyp jatqan jobalar týraly, sondaı-aq jeke ındýstrıaldy aımaqtyń qazirgi jaǵdaıy men damý keleshegi týraly baıandaldy. Oblysta barlyǵy úsh jyl ishinde ındýstrııalandyrý baǵdarlamasy boıynsha jalpy somasy 16,1 mlrd teńgeni quraıtyn 27 joba iske asyrylyp, 749 jumys orny ashyldy. Bul ónerkásiptik óndiris kólemin 200 mlrd teńgege deıin ulǵaıtýǵa jáne negizgi kapıtalǵa salynǵan ınvestıtsııalar kóleminiń 2,7 ese ósýine jol ashty.
Jeke ındýstrııalyq aımaq aýmaǵynda Baqytjan Saǵyntaev IIDMB aıasynda júzege asyrylǵan «Rım-QazAgro» JShS-nyń jyldam daıyndalatyn azyq-túlik ónimderi óndirisin uıymdastyrýdyń tehnologııalyq protsesimen jáne óndiristik jelilerimen tanysty.
Kásiporyn basshysy I. Demıdova jyldam daıyndalatyn kespe óndirý kesheniniń qýattylyǵy saǵatyna 2 tonnany quraıtynyn aıtty. Budan ózge, kásiporyn botqa, sorpa, kartop pıýresin shyǵarady. Óndiristegi negizgi quramdaýshy - otandyq un. Shyǵarylǵan kespelerdiń jartysynan kóbi Reseıge eksporttalady.
Sonymen qatar, Premer-Mınıstr metall-plastıkten jasalǵan buıymdardy óndirý tsehynyń jumysymen tanysty. Kásiporynnyń josparlarynda, sondaı-aq, 10 mlrd teńgege jýyq somaǵa taǵy 14 jobany iske asyrý jumystary bar, ol 300-ge jýyq jańa jumys oryndaryn qurýǵa múmkindik beredi jáne jańa óndiristerdi ıgerýge jol ashady. Bul plastıkten jasalǵan buıymdar, jýǵysh zattar, sanıtarlyq-gıgıenalyq maqsattaǵy qaǵaz, dymqyl maılyqtar jáne t.b.
Jalpy, respýblıka boıynsha 38 ındýstrııalyq aımaqty uıymdastyrý boıynsha jumystar júrgizilýde, onyń 7-i salynyp jatyr, 9-y iske asyrylý satysynda (tehnıkalyq-ekonomıkalyq negizdemeni ázirleý, memlekettik saraptama júrgizý jáne t.b.), sondaı-aq, 22 IA (onyń ishinde 1 jeke menshik) tolyq nemese ishinara aıaqtalǵan ınfraqurylymymen jumys istep tur, olarda qoldanysta jobalar bar. Indýstrıaldy aımaqtarda 112 joba bar, oǵan qosa shamamen 219 joba pysyqtaý satysynda, munda 17 myńǵa jýyq jumys ornyn qurý josparlanǵan.
