Baqytjan Saǵyntaev ShQMTÝ-diń ǵylymı-zertteý jobalarymen tanysty
ASTANA. QazAqparat - QR Premer-Mınıstri Baqytjan Saǵyntaev óńir boıynsha jumys sapary barysynda D. Serikbaev atyndaǵy Shyǵys Qazaqstan memlekettik tehnıkalyq ýnıversıtetine bardy. Onda JOO-nyń ǵylymı ázirlemelerimen tanysyp, oblystyń iri kásiporyndarynyń ókilderimen kezdesti, dep habarlaıdy QR Úkimetiniń baspasóz qyzmeti.
Ýnıversıtet rektory J. Shaımardanov QR Premer-Mınıstrine Indýstrııalandyrýdyń memlekettik baǵdarlamasyna kadrlardy daıyndaý boıynsha jobany iske asyrý barysy týraly, jáne 2017-2019 jyldary Shyǵys Qazaqstan oblysynyń jetekshi ónerkásiptik kásiporyndarymen birlesip júzege asyrylatyn maqsatty ǵylymı-tehnologııalyq baǵdarlamalardy ázirleý týraly aıtyp berdi.
Sondaı-aq, Baqytjan Saǵyntaev ýnıversıtettiń ǵylymı-zertteý zerthanasyn aralady, odan keıin oblystyń iri kásiporyndarynyń basshylarymen ShQMTÝ-diń ǵylymı-zertteý jáne tájirıbelik-qurastyrymdyq taldamalary jónindegi máseleler boıynsha kezdesý ótkizdi.
Keńes barysynda ǵylymı jobalardyń jetekshileri baıandamalaryn oqydy, olardyń ishinde: fızıka-matematıka ǵylymdarynyń doktory, ShQMTÝ professory S. Plotnıkov, tehnıka ǵylymdarynyń doktory, ShQMTÝ professory M. Dýdkın, hımııa ǵylymdarynyń kandıdaty, ShQMTÝ dotsenti N. Kýlenova, tehnıka ǵylymdarynyń kandıdaty, ShQMTÝ dotsenti A. Bykov, tehnıka ǵylymdarynyń kandıdaty, ShQMTÝ kafedrasynyń meńgerýshisi G. Nurshaıyqova, fızıka-matematıka ǵylymdarynyń doktory, ShQMTÝ professory D. Alontseva, sonymen qatar, ónerkásiptik uıymdardyń ókilderi: «ÓK TMK» AQ prezıdenti A. Mamýtova, «ÚMZ» AQ tantal óndirisiniń dırektory A. Tsoraev, «Qaztsınk» JShS metallýrgııa jónindegi atqarýshy dırektory T. Azekenov jáne «Shyǵystústimet» JShS tehnıkalyq jetekshisi S. Abdrahmanov bar.
Keńes qorytyndysy boıynsha «QazAtomÓnerkásip» UAK» AQ men D. Serikbaev atyndaǵy ShQMTÝ arasynda ǵylymı-tehnıkalyq yntymaqtastyq týraly memorandýmǵa qol qoıý rásimi ótti.
Málim bolǵandaı, QR Prezıdenti Úkimet aldyna onyń negizinde jańa, perspektıvalyq tehnologııalar men ınnovatsııalar bolatyn, Qazaqstanǵa 2050 jyly álemniń eń ozyq damyǵan 30 eliniń qataryna qosylýyna múmkindik beretin ekonomıkalyq ósimniń jańa úlgisin qurý mindetin qoıdy.
D. Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń atalǵan mindetterdi iske asyrýǵa úles qosa alatyndaı, qajetti kadrlyq jáne ǵylymı áleýeti bar ekenin aıta ketken jón.
