Baqytjan Saǵyntaev: Sanıtarlyq talaptardy saqtamaǵan saýda oryndaryn qaıta jabamyz
ALMATY. QazAqparat – Sanıtarlyq talaptardy saqtamaǵan saýda oryndary qaıta jabylady. Bul týraly Almaty ákimi Baqytjan Saǵyntaev onlaın brıfıng barysynda málim etti, dep habarlaıdy QazAqparat tilshisi.
«Biz saýda oryndaryna jumys isteýge ruqsat berdik. Alaıda olar mindetti túrde sanıtarlyq talapty saqtaýlary qajet. Eger kelýshiler áleýmettik qashyqtyqty saqtamasa, maska taqpasa onda shara qoldanamyz. ıAǵnı, ákimshilik aıyppul salyp, saýda núktesin qaıta jaýap tastaımyz. Bizdiń basqa amalymyz joq. Sondyqtan talapty saqtaýlaryńyzdy suraımyn»,– dedi Almaty ákimi.
Sonymen qatar, ol qoǵamdyq kólikterge de búginnen bastap maskasyz jolaýshylar kirmeıtinin aıtty.
«Ókinishke qaraı, almatylyqtardyń basym bóligi maskasyz júr. Biz túsindirýge tyrystyq. Endi shara qoldanamyz. Adamdar indet órship ketýi múmkin ekenin túsiný kerek»,-dedi ol.
