Baqytjan Saǵyntaev: Pandemııaǵa qaramastan megapolıs ekonomıkasynda ósim bar
ALMATY. QazAqparat- Halyq aldyndaǵy esep berý kezdesýinde Almaty ákimi Baqytjan Saǵyntaev 2020 jyldyń qorytyndysy boıynsha megapolıstiń ekonomıkalyq kórsetkishteriniń ósýi qamtamasyz etilgenin atap ótti, dep habarlaıdy QazAqparat tilshisi.
Ótken jylǵy áleýmettik-ekonomıkalyq damý qorytyndylary týraly derekti fılmde aıtylǵan málimetterge sáıkes, KVI boıynsha sanıtarlyq-epıdemıologııalyq jaǵdaıdyń turaqtanýy Almaty ekonomıkasynyń bazalyq salalarynda ósýdi qamtamasyz etýge múmkindik berdi.
Mysaly, ónerkásiptiń 4,6% - ǵa ósýi qamtamasyz etildi, qurylys jumystarynyń kólemi 10,6% - ǵa ulǵaıdy, turǵyn úıdi paıdalanýǵa berý-14,2% - ǵa, baılanys qyzmetteriniń kólemi 8,2% - ǵa ósti.
«Biz teris (keri) stsenarııdi iske asyrýǵa jol bermedik jáne is júzinde barlyq ekonomıkalyq kórsetkishterdi arttyrdyq. Saýdadaǵy, tasymaldaýdaǵy jáne qoımalarda saqtaýdaǵy quldyraýdyń ekonomıkanyń basqa salalaryndaǵy ósimmen ótelýine qol jetkizdik. Sonymen qatar, biz jańa perspektıvaly sektorlardy – tsıfrlandyrý men smart ındýstrııany, kreatıvti ekonomıka men týrızmdi damytýǵa serpin bere aldyq», - dedi Baqytjan Saǵyntaev.
Byltyr Almatyda 2,4 mln sharshy metrden astam turǵyn úı paıdalanýǵa berildi. Negizgi kapıtalǵa salynǵan ınvestıtsııalar kólemi naqty kólemniń 17,2% - ǵa ósýimen 971,2 mlrd teńgege jetti. 76,3 myń jańa jumys orny quryldy, onyń ishinde memlekettik baǵdarlamalar boıynsha – 46,3 myń. Bıyl 50 myńǵa jýyq jumys ornyn qurý josparda.
Áleýmettik qoldaýǵa erekshe kóńil bólinbek. 28 myńǵa jýyq múmkindigi shekteýli adam ońaltýmen jáne áleýmettik qyzmettermen qamtamasyz etiledi.
