Baqytjan Saǵyntaev otandyq sarapshylarmen óńirlerdi damytý máselelerin talqylady
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen ekonomıka jónindegi saraptama keńesiniń otyrysy ótti, dep habarlaıdy primeminister.kz.
Otyrys barysynda elimizdiń aýmaqtyq-keńistiktik damýy boıynsha úkimet saıasaty máseleleri qaraldy.
Sarapshylar Qazaqstannyń JІÓ ósýine áser etetin faktorlardy talqylady, olardyń ishinde jalpy eksport deńgeıi, qalalaný jáne kóshi-qon úderisteri, ıntegratsııalyq jobalar jáne óńirlik ınnovatsııalyq ekojúıelerdi qalyptastyrý, orta bilim berý sapasy jáne basqalary bar.
Básekege qabilettilikti arttyrý múmkindigi týraly «Astana» Halyqaralyq ǵylymı kesheni» ortalyǵynyń basshysy A. Boranbaev baıandama jasady.
Talqylaý barysynda sondaı-aq QR ınvestıtsııalar jáne damý mınıstri J. Qasymbek, «Atameken» UKP basqarma tóraǵasy A. Myrzahmetov, «Sentrans» AQ dırektorlar keńesiniń tóraǵasy E. Ábdirazaqov, «Salyq tóleýshiler qaýymdastyǵy» basqarýshy keńesiniń tóraǵasy J. Ertilesova, «Rakýrs» ekonomıkalyq taldaý ortalyǵy» qoǵamdyq qorynyń dırektory O. Jandosov, «Qoǵamdyq máselelerge taldaý jasaý ortalyǵy» qoǵamdyq qorynyń dırektory M. Mahmutova, Strategııalyq bastamalar ortalyǵynyń aǵa seriktesi O. Qudaıbergenov jáne basqalary sóz sóıledi.
