Baqytjan Saǵyntaev Óskemendegi kóz mıkrohırýrgııasy emhanasyna bardy
ASTANA. QazAqparat - QR Premer-Mınıstri Baqytjan Saǵyntaev kóz mıkrohırýrgııasy emhanasynyń konsýltatıvtik-dıagnostıkalyq bóliminiń, statsıonarynyń jáne operatsııalyq blogynyń jumysymen tanysty.
Bul týraly primeminister.kz saıty habarlady.
Medıtsına mekemesin aralaý barysynda Baqytjan Saǵyntaevqa medıtsına kadrlaryn qaıta daıarlaýdyń úshdeńgeılik júıesi tanystyryldy.
Ortalyqta kóz aýrýlary dıagnostıkasy men olardy emdeýdiń barlyq negizgi zamanaýı tehnologııalary engizilgen. Ozyq tehnologııalar, jańa jabdyqtar, hırýrgııalyq ilgerindi ádistemeler emhanada júrgiziletin emniń joǵarǵy sapasyn, senimdiligi men qaýipsizdigin qamtamasyz etedi.
