Baqytjan Saǵyntaev Orascom TMT dırektorlar keńesiniń tóraǵasymen kezdesti
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaev Orascom TMT dırektorlar keńesiniń tóraǵasy Nagıb Savırıspen kezdesý ótkizdi. Bul týraly QR Úkimetiniń baspasóz qyzmeti habarlaıdy.
Kezdesý barysynda Qazaqstannyń telekommýnıkatsııa salasyndaǵy kompanııasymen yntymaqtastyq ornatý jáne tsıfrlandyrý boıynsha birlesken ınvestıtsııalyq jobalardy iske asyrý máseleleri talqylandy.
Aıta keteıik, Orascom Construction Group Kaırde (Mysyr) ornalasqan, 1950 jyly negizi qalanǵan jáne Onsi Sawiris-ke tıesili.
Kompanııa álemdik merdigerler qataryna kiredi jáne Eýropada, Taıaý Shyǵysta jáne Soltústik Afrıkada memlekettik jáne jeke klıentter úshin iri ónerkásiptik, ınfraqurylymdyq jáne jekelegen kommertsııalyq jobalardy júzege asyrady. Orascom TMT kompanııasy - ataqty ınvestor ári telekommýnıkatsııalyq jáne tehnologııalyq qurylymdardyń strategııalyq aktsıoneri. Kompanııanyń aktsııalary NASDAQ Dubai bırjalarynda jáne Mysyr bırjasynda aınalymda.
Orascom Construction úsh túrli jáne jeke brendter boıynsha jumys jasaıdy: Orascom, Contrack jáne The Weitz Company. Negizgi brendterge BESIX toby jáne qurylysqa arnalǵan ónerkásiptiń qosymsha salalaryndaǵy enshiles jáne táýeldi kompanııalar jelisi aktsııalarynyń 50% qoldaý kórsetedi.
