Baqytjan Saǵyntaev ońtústik óńirdegi bolat blıým shyǵaratyn alǵashqy zaýytqa bardy
ASTANA. QazAqparat - QR Premer-Mınıstri Baqytjan Saǵyntaev Ońtústik Qazaqstan oblysyna jumys sapary aıasynda «Ońtústik» ındýstrıaldy aımaǵy aýmaǵyndaǵy «Shymkent Temir» ońtústik óńirdegi bolat blıým shyǵaratyn alǵashqy qazaqstandyq kásiporynǵa bardy. Bul týraly primeminister.kz">primeminister.kz habarlady.
Obektide Premer-Mınıstr Baqytjan Saǵyntaev kásiporynnyń negizgi óndiristik tsıkldarymen tanysty. «Shymkent Temir» JShS bas dırektory B. Álteevtiń aıtýynsha, zaýytta 40 tonnalyq ındýktsııalyq peshter jáne úsh qyrly úzdiksiz quıý mashınalary qoldanylady.
Joba 2015-2019 jyldarǵa arnalǵan QR ındýstrıaldy-ınnovatsııalyq damýynyń memlekettik baǵdarlamasy aıasynda júzege asyrylyp, osy jyldyń sáýir aıynda paıdalanýǵa beriledi. Shyǵarylatyn ónimniń 100% jaqyn shetelderge eksporttaý kózdelgen.
Sonymen qatar, oblys ákiminiń orynbasary B. Jamalov Indýstrııalandyrý kartasy aıasynda 20 jobany iske asyrý josparlarymen tanystyrdy.
