Baqytjan Saǵyntaev OMV kompanııasynyń basshysymen kezdesti
ASTANA. QazAqparat - Búgin Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev OMV kompanııasynyń basqarma tóraǵasy Raıner Zelemen kezdesý ótkizdi, dep habarlaıdy primeminister.kz.
Kezdesý barysynda kompanııamen yntymaqtastyq ornatý jáne Qazaqstanda birqatar birlesken ınvestıtsııalyq jobalardy iske asyrý máseleleri talqylandy.
Anyqtama: OMV kompanııasy - Avstrııanyń eń kólemdi lıstıngtik ónerkásiptik kompanııalarynyń biri, Ortalyq Eýropadaǵy iri munaı kompanııasy. OMV Atyraý oblysynda polıetılen óndirý jobasyn iske asyrýdy josparlap júrgen Borealis kompanııasynyń 36% aktsııasyna ıe.
OMV aktsıonerleri: Mubadala (Ábý-Dabı) - 24,9%, ÖBIB (avstrııalyq memlekettik ónerkásiptik holdıngi) - 31,5% jáne aktsııalarynyń 43,6%-y erkin aınalymda.
Kompanııa Qazaqstanda 2004 jyldan beri qyzmet isteıdi jáne ol Mańǵystaý oblysyndaǵy Komsomolskoe, Tasbolat, Aqtas, Túrikmenoı ken oryndarynda jer qoınaýyn paıdalaný quqyǵyna ıe «Kom-Munaı» JShS (95%, 5% - qazaqstandyq seriktester), «Tasbolat Oıl Korporeıshn» JShS (100%) qatysýshysy.
Kompanııanyń barlyq kezeńdegi ınvestıtsııalary mıllıardtan astam dollarǵa teń.
