Baqytjan Saǵyntaev Nazarbaev dańǵylyndaǵy úıdiń qurylysyn ýaqytsha toqtatty
ALMATY. QazAqparat- Almaty ákimi Baqytjan Saǵyntaev núkteli qurylystar týraly aıtqan almatylyqtardyń shaǵymdaryn tyńdap, másele sheshimin tapqansha kópqabatty úıdiń qurylysyn toqtatýdy tapsyrdy, dep habarlaıdy QazAqparat tilshisi.
Ákimmen eseptik kezdesý kezinde almatylyq Tolqyn Oraıhanova Nazarbaev dańǵylyndaǵy № 176 jáne 220/3 úı turǵyndary atynan salynyp jatqan nysanǵa qatysty suraq qoıǵan bolatyn.
Onlaın-sharadan keıin B.Saǵyntaev atalǵan qurylys nysanyna bardy. Bul týraly ol Instagram-daǵy óz paraqshasynda jazdy.
«Ol jerge baryp, turǵyndarmen jáne qurylysshylarmen kezdestim. Eki tarapty da tyńdap, jaýapty adamdarǵa týyndaǵan jaǵdaıdy egjeı-tegjeıli anyqtaýdy tapsyrdym. Másele sheshimin tapqansha qurylys jumysy toqtatylady» -, dep atap ótti qala basshysy.
Aıta keteıik, búgin qala ákimi B. Saǵyntaevtyń turǵyndarmen eseptik kezdesýi onlaın rejıminde ótti.
Shahar basshysy qalalyqtar qoıǵan barlyq saýaldardyń mańyzdylyǵyn, olardyń árqaısysyna túsinikter berilip, sheshimder qabyldanatynyn atap ótti.
