Baqytjan Saǵyntaev múmkindigi shekteýli jandarmen kezdesti

ALMATY. QazAqparat - Almaty qalasynyń ákimi Baqytjan Saǵyntaev múmkindigi shekteýli jandar qaýymdastyǵynyń ókilderimen kezdesti, dep habarlaıdy QazAqpart tilshisi qala basshysynyń Instagram paraqshasyna silteme jasap.

«Búgin múmkindigi shekteýli jandar qaýymdastyǵynyń ókilderimen kezdestim. Kezdesýge kelgen qatysýshylarǵa emen-jarqyn áńgimeleri úshin alǵysymdy bildiremin. Bir- birimizdi tyńdaı bilý óte mańyzdy» - deıdi Baqytjan Saǵyntaev.

Almatyda 43200 múgedek turady. Olardyń talaptary boıynsha mańyzdy qadamdar jasalatyn bolady.

«Almatylyqtardan múmkindigi shekteýli jandardy durys túsinýdi ótinemin. Olardy áleýmettendirý, qoǵamdyq ómirge keńinen tartý bizdiń basty mindetimiz. Ol úshin mentaldy kedergilerdi joıý mańyzdy. Múgedekterdi ınklıýzıvti qorǵaý qaǵıdatynan alystaýǵa bolmaıdy. Barlyǵymyz – bir qaýymbyz, súıikti qalamyzdyń turǵyndarymyz»-dep jazdy qala ákimi.