Baqytjan Saǵyntaev mınıstrlerdiń jumysyn baǵalady
ASTANA. QazAqparat - QR Premer-Mınıstri Baqytjan Saǵyntaev 2017 jyldaǵy atqarǵan jumysy úshin Mınıstrler kabıneti men ákimderge alǵys aıtty, dep habarlaıdy QazAqparat.
«Qorytyndylaı kele, ótken jylda elimizdiń áleýmettik-ekonomıkalyq damýynda oń nátıjelerdi kórip otyrmyz. Biz 4 paıyzdyq ekonomıkalyq ósimdi qamtamasyz etý týraly Elbasynyń tapsyrmasyn oryndadyq. Salalyq mınıstrlikter men óńirler ózderiniń ındıkatorlary boıynsha ekonomıkalyq ósimdi qamtamasyz etti. Úkimet pen óńir ákimderiniń, ıaǵnı barlyǵymyzdyń úılesimdi jumysymyzdyń nátıjesinde osyndaı kórsetkishke qol jetkizip otyrmyz. Sondyqtan da barshańyzǵa rızashylyǵymdy bildire otyryp, bizdiń aldaǵy jumysymyzǵa sáttilik tilegim keledi», - dedi Premer-Mınıstr 2017 jyldaǵy áleýmettik-ekonomıkalyq damýdyń qorytyndysyna arnalǵan Úkimet otyrysynda.
Budan buryn habarlanǵandaı, QR Ulttyq ekonomıka mınıstri Tımýr Súleımenov 2017 jyldyń aldyn ala qorytyndylary boıynsha jalpy ishki ónimniń ósýi 4 paıyzdy quraǵanyn málim etti.
«2017 jyldyń basty qorytyndysy el ekonomıkasynyń ósimi qalypqa kelýi boldy. 2017 jyldyń aldyn ala qorytyndylary boıynsha JІÓ 4 paıyzǵa ósti. Ekonomıkalyq ósý ekonomıkalyq qyzmettiń barlyq segmentterinde sınhrondyq jaqsarýmen teńdestirilgen boldy», - dep atap ótti Tımýr Súleımenov.
