Baqytjan Saǵyntaev medıtsına qyzmetkerlerine memlekettik marapattardy tapsyrdy

ALMATY. QazAqparat - Mereke qarsanynda Prezıdent Q. Toqaevtyń tapsyrmasy boıynsha Almaty ákimi Baqytjan Saǵyntaev qalanyń medıtsına qyzmetkerlerine memlekettik nagradalardy tapsyrdy, dep habarlaıdy QazAqparat tilshisi.

Baqytjan Saǵyntaev Instagram paraqshasynda marapattar janqııarlyq eńbek pen kásipke degen adaldyqtyń óteýi ǵana emes, halyqtyń alǵysy ekenin jazdy.

«Bul – qyzmetine adal aq halatty abzal jandarǵa kórsetilgen ádil qurmet pen alǵys. Syrqat jannyń dertine daýa, emine shıpa taba bilgen altyn qoldy dárigerlerdiń ólsheýsiz eńbeginiń mańyzyn jaqsy bilemiz. Búgin aty atalǵan árbir dárigerdiń artynda úlken ujymnyń qajyrly eńbegi tur. Onsyz bul qıyndyqty eńserý múmkin emes edi. Bul jaǵdaı eńbegi eren dárigerlerdiń otbasylaryna da ońaı soqpaǵany anyq. Sizder, óz isine berilgen bilikti mamansyzdar. Biz sizderdi qoldaımyz, biz sizdermen birgemiz. Barsha almatylyqtardyń atynan sizderge alǵys aıtamyn!», – dedi B. Saǵyntaev.

Saltanatty rásim barysynda ІІІ dárejeli «Barys» ordenimen I. Jekenova atyndaǵy qalalyq klınıkalyq ınfektsııalyq aýrýhananyń bas dárigeri Aıgúl Abdrahmanova, «Parasat» ordenimen qalalyq jedel járdem aýrýhanasynyń bas dárigeri Saǵı Beısenbekov jáne I. Jekenova atyndaǵy qalalyq klınıkalyq ınfektsııalyq aýrýhananyń sarapshy dárigeri Tamara Ýtaganova, «Qurmet» ordenimen balalardyń qalalyq klınıkalyq ınfektsııalyq aýrýhanasynyń bas dárigeri Erjan Seralın jáne I. Jekenova atyndaǵy qalalyq klınıkalyq ınfektsııalyq aýrýhananyń dárigeri Magaz Muqashev marapattaldy.

«Eren eńbegi úshin» medali №12 ortalyq qalalyq klınıkalyq aýrýhananyń bas dárigeri Gúlnar Kúlkaevaǵa, I. Jekenova atyndaǵy qalalyq klınıkalyq ınfektsııalyq aýrýhananyń bólim meńgerýshisi Baýyrjan Sarsembaevqa, qalalyq jedel járdem aýrýhanasynyń bólim bastyǵy Sáýle Saýranbaevaǵa berildi.

«Shapaǵat» medalimen Ftızıopýlmonologııa ortalyǵynyń basshysy Cáýle Áýezova, №12 qalalyq klınıkalyq aýrýhananyń bólim meńgerýshisi Gúlnar Berdalına, balalardyń qalalyq klınıkalyq ınfektsııalyq aýrýhanasynyń dárigeri Raýshan Mýsılımova, I. Jekenova atyndaǵy qalalyq klınıkalyq ınfektsııalyq aýrýhananyń medbıkesi Láıligúl Sharıpova marapattaldy. Qazaqstan Respýblıkasynyń «Qurmet» gramotasymen №1 qalalyq klınıkalyq aýrýhananyń bólim meńgerýshisi Taıv Rakova atap ótildi.