Baqytjan Saǵyntaev «Macau Legend Development Ltd» kompanııasynyń ókilderimen kezdesti
ASTANA. QazAqparat - Búgin Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev «Macau Legend Development Ltd» makaolyq kompanııasynyń Teń tóraǵasy jáne atqarýshy dırektory Devıd Choý bastaǵan ókilderimen kezdesý ótkizdi.
Kezdesý barysynda aýyl jáne orman sharýashylyǵy qaldyqtaryn keshendi kádege jaratýǵa jáne qaıta óńdeýge mamandandyrylǵan «Anhui Geyi Biorefineries Industrial Park Limited» kompanııasymen yntymaqtastyq perspektıvalary talqylandy, dep habarlaıdy primeminister.kz.
Qatysýshylardyń pikirinshe, jobany júzege asyrý jabdyqtar óndirisi salasyna, ónerkásiptiń ekologııalyq qaýipsiz sektorlaryna, zamanaýı regeneratsııalyq jáne organıkalyq egin sharýashylyǵyna, aýyl sharýashylyǵy týrızmine jáne basqa da sabaqtas salalarǵa ınvestıtsııalar túsimin arttyrýǵa múmkindik beredi. Budan ózge, óndiris logıstıkalyq jáne kólik qyzmetterin damytýdy jáne jańa jumys oryndaryn ashýdy yntalandyra alady.
