Baqytjan Saǵyntaev Qyzylordadaǵy Kásipkerlerge qyzmet kórsetý ortalyǵyn aralady
ASTANA. QazAqparat - Qyzylorda oblysynda QR Premer-Mınıstri Baqytjan Saǵyntaev oblystyń óz isin jańa bastaǵan jáne jumys istep jatqan bıznesmenderine konsýltatsııalyq kómek kórsetetin óńirlik Kásipkerlerge qyzmet kórsetý ortalyǵynyń jumysymen tanysty, dep habarlaıdy primeminister.kz .
Oblys ákiminiń orynbasary Evgenıı Kım «Atameken» ÓKP janyndaǵy Kásipkerlerge qyzmet kórsetý ortalyǵynda memlekettik qoldaýdyń iske asyrylyp jatqan baǵdarlamalary, onyń ishinde Ónimdi jumyspen qamtý jáne jappaı kásipkerlikti damytý baǵdarlamasy, «Bıznestiń jol kartasy-2020» boıynsha túsindirý jumystary júrgizilip jatqanyn baıandady. Budan ózge, memlekettik satyp alý, ulttyq kompanııalar men jer qoınaýyn paıdalanýshylardyń satyp alýlary salasyndaǵy jumys boıynsha jáne memlekettik-jekeshelik áriptestik jobalaryn iske asyrý boıynsha konsaltıngtik qyzmetter kórsetiledi.
KQKO qyzmeti ruqsat qujattaryn alý kezindegi ákimshilik kedergilerdi azaıtý, memlekettik qoldaý tetikteriniń qoljetimdiligin arttyrý boıynsha Úkimettiń sharalaryn óńirde iske asyrýǵa baǵyttalǵan. Ortalyqtyń mindeti - kásipkerlik saýattylyq deńgeıin arttyrý, AÓK-degi zamanaýı tehnologııalardy engizý boıynsha kómek kórsetý, ShOB sýbektilerin marketıngtik jáne aqparattyq ilgeriletý.
Aıta keterligi, búgingi tańda Kásipkerlerge qyzmet kórsetý ortalyǵynda konsýltatsııa túrinde 289 qyzmet jáne ruqsat qujattaryn alý boıynsha, onyń ishinde tehnıkalyq sharttar jáne jer telimderiniń maqsatty paıdalanylýyn ózgertý boıynsha kómek kórsetildi.
