Baqytjan Saǵyntaev QR Úkimeti quramynyń jańa múshelerin tanystyrdy
«Memleket basshysy Nursultan Nazarbaev óziniń Jarlyqtarymen Úkimettiń jańa quramyn bekitti. Kórip otyrǵandaryńyzdaı, kóp kadrlyq ózgerister bolǵan joq. Muny Elbasynyń bizdiń bárimizge kórsetken úlken senimi dep qabyldaýymyz kerek. Sondyqtan, Úkimet músheleriniń atynan, ózimniń atymnan kórsetip otyrǵan qoldaýy men senimi úshin alǵys aıtqym keledi», dedi B. Saǵyntaev.
Sonymen qatar, Premer-Mınıstr Úkimettiń jańa múshelerin de tanystyryp ótti. Atap aıtqanda, Elbasy Jarlyǵymen Premer-Mınıstrdiń Birinshi orynbasary bolyp taǵaıyndalǵan Asqar Mamın men Imanǵalı Tasmaǵambetov. «Imanǵalı Tasmaǵambetovty elge tanystyryp jatý artyq. Memlekettiń eń mańyzdy salalarynda qyzmet atqaryp kele jatqan asa tájirıbeli tulǵa. Elbasynyń úlken senimine ıe myqty uıymdastyrýshy, isker basshy», deı kele, jańa qyzmet ıelerin quttyqtady. Sonymen qatar, Úkimet basshysy jańadan Din isteri jáne azamattyq qoǵam mınıstrligi qurylǵanyn, onyń basshylyǵyna Nurlan Ermekbaev taǵaıyndalǵanyn atap ótti. Budan bólek, Baqytjan Saǵyntaev Sáken Jasuzaqov Qorǵanys mınıstri, Marat Beketaev Ádilet mınıstri bolǵanyn aıtyp, olardyń jumysyna sáttilik tiledi. Memlekettik qyzmet isteri jáne sybaılas jemqorlyqqa qarsy is-qımyl agenttigi QR Prezıdentine tikeleı baǵynatyn organ bolyp qurylǵanyn atap ótti.
