Baqytjan Saǵyntaev QR Prezıdenti syılyqtarynyń ıegerlerin marapattady

ASTANA. QazAqparat - Búgin Astanada QR Premer-Mınıstri Baqytjan Saǵyntaev Indýstrııalandyrý kúni aıasynda ótkizilgen sharalarǵa qatysty, dep habarlaıdy primeminister.kz.

«Qazmedıa» ortalyǵynda «Altyn sapa» QR Prezıdenti syılyǵynyń laýreattaryn, bıznestiń áleýmettik jaýapkershiligi jónindegi «Paryz» baıqaýynyń jáne «Qazaqstannyń úzdik taýary» respýblıkalyq kórme-baıqaýynyń jeńimpazdaryn saltanatty marapattaý rásimi ótti.  

 

Indýstrııalandyrý kúni barysynda Premer-Mınıstr «Azyq-túlik taýarlaryn jáne/nemese aýyl sharýashylyǵy ónimderin óndiretin eń úzdik kásiporyn» atalymy boıynsha «Ordabasy Qus» JShS-na QR Prezıdentiniń «Altyn sapa» arnaıy syılyǵyn tabystady. 

Baqytjan Saǵyntaev «Paryz» syılyǵynyń altyn músinshelerin myna atalymdar boıynsha birinshi oryn alǵan kásiporyndar: «Úzdik áleýmettik jaýapkershilikti kásiporyn» - «BI GROUP» holdıngine, «Eńbekti qorǵaý salasyndaǵy úzdik kásiporyn» atalymy boıynsha «Ómirzaq-Servıs» JShS-ne, «Úzdik ujymdyq shart» atalymy boıynsha «Saǵyz Petroleým Kompanı» JShS-ne, «Ekologııaǵa qosqan úlesi úshin» atalymy boıynsha birinshi oryn ıegeri «PetroKazahstan Oıl Prodakts» JShS-ne tabystady.

 

Bıyl «Paryz» respýblıkalyq baıqaýyna qatysýǵa elimizdiń barlyq óńirleriniń 501 kásiporyny ótinim bergen.

Marapattaý rásiminiń sońynda Memleket basshysynyń qatysýymen 23 ındýstrııaldyq joba usynylǵan Jalpyulttyq telekópir ótti.