Baqytjan Saǵyntaev Qorǵas ózenindegi sý tasqynyna qarsy is-sharalar boıynsha keńes ótkizdi
Maýsym jáne shilde aılaryndaǵy nóserli jaýynnyń saldarynan Qorǵas ózenindegi sý kólemi artyp, salynyp bitpegen bógettiń bir bóligin, aınalma avtokólik jolynyń qorshaýyn, «Qorǵas» Halyqaralyq shekara mańyndaǵy yntymaqtastyq ortalyǵynyń EBJ tórt tireýin sý shaıyp ketti. Aldaǵy ýaqytta sý tasqynynan qorǵaý maqsatynda ózen arnasynda túpti tereńdetý jáne aǵysty baǵyttaý jumystary júrgizildi, jaǵalaýlardy nyǵaıtý úshin arnaıy tehnıka jumyldyryldy.
Keńes qorytyndysy boıynsha B. Saǵyntaev ІІM Tótenshe jaǵdaılar komıtetine Qorǵas ózeninde sý ótkizý boıynsha sý tasqynyna qarsy is-sharalar keshenin ázirlep, bekitýdi, al «Qazseldenqorǵaý» MM-ne sý tasqyny jaǵdaıyn baqylaýdy jáne habarlaýdy kúsheıtýdi tapsyrdy.
Budan ózge, elimizdiń memlekettik organdary zaqymdanǵan nysandardy qalpyna keltirý boıynsha sharalar qoldanýy, 2016-2017 jyldary sý tasqynyn apatsyz ótkizý boıynsha is-sharalardy uıymdastyrýy, Qorǵas ózenindegi «Dostyq» sý torabynan tómen arna qalyptastyratyn jáne qorǵaý qurylystaryn salý jobalaryn júzege asyrýǵa kirisýi tıis.
Premer-Mınıstrdiń birinshi orynbasary sondaı-aq ІІM jáne SІM-ne 2016 jyldyń sońyna deıin QHR-men «Selden qorǵaıtyn Shúkirbulaq bógeti» jobasyn kelisýdi jáne memlekettik saraptama qorytyndysyn alýdy tapsyrdy.