Baqytjan Saǵyntaev: Qazirgi jastar Táýelsizdik jetistikterin biledi jáne baǵalaıdy
Forýmǵa qatysýshylarǵa arnaǵan sózinde Almaty ákimi Baqytjan Saǵyntaev qazirgi jastar 30 jyldyǵy bıyl atap ótiletin Táýelsizdiktiń jetistikterin biletinin jáne baǵalaıtynyn atap ótti. Almaty onyń qalyptasýy men nyǵaıýy barysynda erekshe ról atqardy.
Qala ákiminiń aıtýynsha, Almaty – jastar qalasy. Árbir úshinshi qala turǵyny – 35 jasqa deıingi jas adam. Munda 37 joǵary oqý orny men 80 kolledjde 240 myńnan astam stýdent oqıdy.
Almatyda De Montfort ýnıversıtetiniń fılıaly ashyldy – Qazaqstanda bilim berý lıtsenzııasyn alǵan jalǵyz tolyqqandy sheteldik joǵary oqý orny. Alǵashqy 145 stýdent qazirdiń ózinde osynda bilim alýda.
Jaqyn arada Elbasynyń bastamasy boıynsha «Alataý» ATP AEA aýmaǵynda Nazarbaev Ýnıversıtetiniń Jasandy ıntellekt mektebiniń qurylysy bastalady. Arızona shtatynyń taǵy bir jetekshi ýnıversıteti kásipkerlikti damytý salasynda ashylady.
Sporttyq ınfraqurylym damýda. Jergilikti bıýdjet esebinen 6 dene shynyqtyrý-saýyqtyrý kesheni men tennıs ortalyǵynyń qurylysy júrgizilýde, taǵy 5 iri nysandy jeke ınvestorlar salýda.
Aǵymdaǵy jyldyń sońyna deıin 63 mektep janyndaǵy sport nysandaryn modernızatsııalaý aıaqtalady, onda 73 fýtbol, 63 voleıbol jáne basketbol alańdary, sondaı-aq vorkaýt aımaqtary men júgirý joldary bar. 12 jekpe-jek ortalyǵy ashyldy.
Jas kreatıvti kásipkerler úshin «Almaty» ÁKK granttary qarastyrylǵan.
Innovatsııalyq jobalardy 2 mln teńgeden bastap qarjylandyrý baǵdarlamasy ázirlendi, barlyq aýdandarda kreatıvti habtar qurylýda. Jas AT-talanttardy qoldaý úshin joǵary oqý oryndary men bıznesti biriktiretin biryńǵaı tsıfrlyq platforma quryldy. Bilim beretin Coursera platformasymen birge 2020 jyly álemniń úzdik ýnıversıtetterinen tehnologııalyq kýrstardan tegin ótýge 5 myń lıtsenzııa usynyldy.
Jastardy jumyspen qamtý maqsatynda aǵymdaǵy jyldyń 10 aıynda 16 myńnan astam jas jumysqa ornalastyryldy.
NEET sanaty úshin alǵashqy jumys kásibin ıgerýge múmkindik beriledi. Jyl saıyn kolledjderde oqýǵa 11 myńnan astam grant bólinedi.
«Almaty jastary» qalalyq baǵdarlamasy aıasynda jyl saıyn 1 myń jeńildetilgen turǵyn úı zaemy qarastyrylǵan. Aǵymdaǵy jyly 843 jas otbasy páter aldy. Sonymen qatar, jumys isteıtin jastar arasynda 1050 jaldamaly páter bólinedi.
«Mass-medıa» jobasynyń avtory A.Saǵynuly, aktrısa, koých A.Tursyn, 2021 jylǵy álem chempıonatynyń júldegeri, dzıýdoshy Ǵ. Qyrǵyzbaev, aktrısa, kásipker Q. Anarbekova, Asarume QQ prezıdenti A. Nurmashev jáne basqalar óskeleń urpaqtyń qalanyń, eldiń jáne jalpy qoǵamnyń damýyndaǵy róli týraly óz oılarymen bólisti.
