Baqytjan Saǵyntaev Qazaqstannyń AÓK salasyna qatysty tapsyrmalar berdi
"Memleket basshysy AÓK boıynsha jańa mindetter qoıdy. Onda jeke sharýashylyqtyń áleýetin paıdalaný, sýbsıdııalaý júıesin jetildirý, aýyl sharýashylyq jerlerin tıimdi paıdalaný, sýarmaly jerlerdi aınalymǵa engizý jáne veterınarlyq qaýipsizdik te bar. Aýyl sharýashylyq ónimderin óńdeý, óńdeýshi qýatty qamtamasyz etý, kóterme-úlestirý ortalyqtaryn qurý men ónimdi saqtaý júıesin damytý arnaıy blok bolyp qurylǵan", - dep atap ótti ol.
Osy oraıda, Premer-Mınıstr QR Aýyl sharýashylyǵy mınıstrligine Qazaqstan qanshalyqty osyndaı ınfraqurylymdarmen qamtamasyz etilgenin anyqtaýdy, Ulttyq ekonomıka mınıstrligi jáne ákimdiktermen birlese otyryp, tıisti sharalardy qabyldaýdy tapsyrdy.
"Osy máselelerdiń sheshilýi AÓK-ti damytý jańa memlekettik baǵdarlamasynyń negizine enýi tıis. Osyǵan baılanysty, AShM-ge múddeli organdarmen birlesip, memlekettik baǵdarlamanyń merziminde qabyldanýyn, ony sý resýrstaryn basqarý baǵdarlamasymen yqpaldastyrýdy tapsyramyn", - dedi B. Saǵyntaev.