Baqytjan Saǵyntaev Qazaqstannyń 20 úzdik kólik qyzmetkerine marapattar tabystady
«QTJ» UK» AQ prezıdenti Asqar Mamın óz kezeginde temirjol salasynyń ardagerlerin quttyqtady, dep jazady Pm.kz.
«Kólik kesheni eńbekkerleri tasymaldaýdy qamtamasyz etip, ulttyq ınfraqurylym men ekonomıkanyń jańa salasyndaǵy jańa quziretterdi damytyp, elimizdiń damýyna óz eńbegimen ólsheýsiz úles qosyp keledi», - deıdi A.Mamın.
Onyń aıtýynsha, 2016 jyldyń birinshi jartyjyldyǵynda Qazaqstan arqyly Qytaı-Eýropa-Qytaı baǵytynda júretin poıyzdar 2,4 esege (177-den 429 poıyzǵa deıin) artty. Oǵan qosa, tranzıtten túsetin tabys úlesi kiristerdiń jalpy kóleminde 35%-ǵa jetti.
«Bizdiń kúsh-jigerimiz qyzmet tıimdiligin arttyrýǵa jáne qarjy nátıjeliligin jaqsartýǵa baǵyttalǵan. Birinshi jartyjyldyqtaǵy operatsııalyq tabys 34,6 mlrd teńgeni qurady, bul ótken jyldyń sáıkes kezeńindegi nátıjeden eki ese artyq. Óndiristik protsesterdiń tıimdiligin arttyrý nátıjesinde negizgi kórsetkishter boıynsha biz TMD elderiniń temir joldarynyń arasynda kósh bastap kelemiz», - deıdi A.Mamın.
