Baqytjan Saǵyntaev Qazaqstandaǵy Qytaı elshisimen kezdesti

ASTANA. QazAqparat - Búgin Úkimet úıinde Qazaqstan Premer-Mınıstri Baqytjan Saǵyntaev Qytaı Halyq Respýblıkasynyń QR-daǵy Tótenshe jáne Ókiletti Elshisi Chjan Hanhýeımen kezdesý ótkizdi. Bul týraly primeminister.kz habarlaıdy. 

Kezdesý barysynda energetıka, ónerkásip, metallýrgııa, mashına jasaý, kólik jáne aýyl sharýashylyǵy salalarynda QHR-men saýda-ekonomıkalyq yntymaqtastyqty odan ári nyǵaıtý, tsıfrlyq jáne kóliktik-logıstıkalyq ınfraqurylym, Indýstrııa 4.0 tehnologııalary men quzyreti salalarynda birlesken jobalardy iske asyrý, derekter ortalyqtaryn damytý máseleleri talqylandy.

Anyqtama: Qytaı men Qazaqstan arasyndaǵy dıplomatııalyq qarym-qatynas 1992 jylǵy 3 qańtarda ornaǵan.

2017 jyly Qytaı Qazaqstannyń eń iri syrtqy saýda seriktesi boldy. QR-nyń basqa eldermen taýar aınalymynyń jalpy kólemindegi QHR úlesi 17,4%-ti qurady (eksport - 13,4%, ımport - 27,5%).

Ekijaqty saýda kólemi $10,5 mlrd (2016 jylmen salystyrǵanda +32,6%), sonyń ishinde Qazaqstan eksporty - $ 5,8 mlrd (+ 36,6%), QR-ǵa ımport - $4,7 mlrd (+27,9%) qurady.

2016 jylǵy jeltoqsanda Óndiristik qýattardy damytý baǵdarlamasyn iske asyrý aıasynda jobalardy qarjylandyrý úshin jarǵylyq kapıtaly $2 mlrd bolatyn Qazaqstan-Qytaı óndiristik qýattarynyń yntymaqtastyǵy qory quryldy.

Qazaqstan men Qytaı arasyndaǵy aýyl sharýashylyǵy ónimderi men ony qaıta óńdeý ónimderiniń taýar aınalymy $345 mln qurady, bul 2016 jylmen salystyrǵanda 32%-ke ($261 mln) ulǵaıǵan.

2017 jyly QHR-ǵa AÓK ónimderin eksporttaý $180,5 mln qurady jáne 34,3%-ke ($134,4 mln-nan $180,5 mln-ǵa deıin) ósti. Bıdaı eksporty $57,5 mln somasyna 306,9 myń tonnany qurady (2016 jyly bıdaı eksporty 281,1 myń tonnany nemese $52,4 mln qurady).