Baqytjan Saǵyntaev Kazakh Invest dırektorlar keńesiniń otyrysyn ótkizdi
Otyrys barysynda Kazakh Invest basqarma tóraǵasy Saparbek Tuıaqbaev 2018 jylǵa arnalǵan jumystyń aralyq nátıjeleri týraly baıandady.
Jyl basynan beri 42 jańa sheteldik ınvestorlarmen $7,5 mlrd somasyna jobalar boıynsha kelisimge qol jetkizildi. $1 mlrd somasyna 18 joba boıynsha qurylys-montajdaý jumystary bastaldy, iri sheteldik ınvestorlarmen 4 joba boıynsha qujattarǵa qol qoıyldy. $7,1 mlrd somasyna 15 jobany belsendi júrgizý jumystary bastaldy.
S. Tuıaqbaev Ulttyq ınvestıtsııalyq strategııaǵa sáıkes barlyq basymdyqty eldermen jumys jasalyp, sheteldik ınvestorlardy maqsatty túrde baǵyttaý sharalary júrgizilip jatqanyn atap ótti. Atalǵan jumysqa Qazaqstannyń sheteldegi dıplomatııalyq ókildikteri belsendi túrde aralasýda.
Sondaı-aq, Dırektorlar keńesiniń otyrysynda ulttyq kompanııanyń qyzmetin retteıtin birqatar ishki qujattar, onyń ishinde «Kazakh Invest» UK-nyń on jyldyq kezeńge arnalǵan strategııasy maquldandy.
