Baqytjan Saǵyntaev «Kazakh invest» dırektorlar keńesiniń otyrysyn ótkizdi
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen «Kazakh invest» ulttyq kompanııasy» Aktsıonerlik qoǵamynyń dırektorlar keńesiniń kezekti otyrysy ótti. Bul týraly QR Úkimetiniń baspasóz qyzmeti habarlaıdy.
Otyrys barysynda kompanııany odan ári damytý jáne «Ulttyq ınvestıtsııalyq strategııa» baǵdarlamasyn iske asyrý aıasynda ınvestorlardy tartý jumysyn jetildirý máseleleri talqylandy. Sondaı-aq, operatsııalyq bıýdjet, 2017 jyldyń IV toqsanyna ishki aýdıt qyzmetiniń jumysy jáne kompanııanyń ózge de kórsetkishteriniń josparlary qaraldy.
Aıta keteıik, bıylǵy jyldyń naýryz aıynda Memleket basshysy N. Nazarbaevtyń tapsyrmasymen «Kaznex Invest» eksport jáne ınvestıtsııalar jónindegi ulttyq agenttiginiń bazasynda «Kazakh invest» ulttyq kompanııasy» Aktsıonerlik qoǵamy quryldy (QR Úkimetiniń 2017 jylǵy 3 naýryzdaǵy №100 qaýlysy).
