Baqytjan Saǵyntaev «Qaırat» fýtbol klýbyn chempıondyq jeńisimen quttyqtady
ALMATY. QazAqparat – Almaty ákimi Baqytjan Saǵyntaev «Qaırat» FK komandasy men jattyqtyrýshylar shtabyn fýtboldan Premer-Lıga komandalary arasyndaǵy el chempıonatynyń bas júldesine ıe bolýymen quttyqtady, dep habarlaıdy QazAqparat tilshisi.
«Qaırat» FK komandasy men jattyqtyrýshylar shtabyn fýtboldan Premer-Lıga komandalary arasyndaǵy el chempıonatynyń bas júldesine ıe bolýymen quttyqtaımyn! Kópten kútken bul jeńis Almaty úshin maqtanysh! Jeńiske jetý bar da, ony saqtap qalý bar. Kúsh-qýat pen sáttilik serikteriń bolsyn!»,– dep jazdy ákim Twitter -degi paraqshasynda.
Aıta keteıik, búgin «Qaırat» 16 jyldan soń Qazaqstan chempıony atandy.
Sońǵy ret almatylyqtar 2004 jyly eldiń úzdik komandasy atanǵan edi.
