Baqytjan Saǵyntaev kásipkerlermen ShOB-ty qoldaý máselelerin talqylady
Otyrys barysynda shaǵyn jáne orta bıznesti damytýdyń ózekti máseleleri kóterildi.
Sondaı-aq, karantındik shekteýler rejımindegi ShOB qyzmetine qatysty problemalyq máseleler kóterilip, damýdyń perspektıvalyq baǵyttary, sondaı-aq bılik organdarymen ózara is-qımyl qarastyryldy.
Kezdesý barysynda Almaty qalasynyń Óńirlik keńesiniń tóraǵasy, «Ýchet» kompanııalar tobynyń jetekshisi M. Baryshev kásiporyndardyń qyzmetin qalpyna keltirý perspektıvalary týraly aıtty. Sonymen qatar, kezdesýge qatysýshylar monıtorıngilik toptardyń qyzmeti, shyǵarmashylyq ındýstrııa men mektepke deıingi bilim berýdi damytý, pandemııa kezindegi týrızm, avtobýs parkteriniń jumysy jáne basqalaryn talqylady.
Ákim B. Saǵyntaev barlyq kóterilgen máseleler qarastyrylatynyna sendirdi. Onyń aıtýynsha, keler jylǵa jospar quryp, naqty jáne progressıvti sheshý úshin ondaǵy maqsattar men mindetterdi belgileý qajet.
Otyrysqa qalanyń Bas memlekettik sanıtarlyq dárigeri J. Bekshın, ákimdik basqarmalarynyń basshylary, Óńirlik keńes músheleri, kásipkerler jáne Almaty qalasy Kásipkerler palatasynyń basshylyǵy qatysty.