Baqytjan Saǵyntaev qalalyqtardy densaýlyqtaryn saqtaýǵa shaqyrdy
ALMATY. QazAqparat - «Almaty» telaranasyndaǵy tikeleı efır barysynda Baqytjan Saǵyntaev merekelik demalys kúnderi qarsańynda qalalyqtardy saqtanyp júrýge jáne jaqyndaryna qaýip tóndirmeýge shaqyrdy, dep habarlaıdy QazAqparat tilshisi.
Onyń aıtýynsha, búginde ınfektsııalyq statsıonarlardyń jalpy 6 060 tósek oryn, qazir onda 3 475 adam bar, onyń ishinde 95-i bala. Ambýlatorııalyq baqylaýǵa 4 830 adam alynǵan, onyń ishinde sımptomdy ári jaǵdaılary jeńil jáne ortasha jeńil naýqastar - 4 240, sımptomsyz - 590.
«Almatyda pandemııa bastalǵaly beri KVI-diń 57 171 jaǵdaıy tirkeldi, halyqtyń 100 myńyna shaqqandaǵy kórsetkish - 2 809,8. Onyń ishinde 2021 jyldyń basynan beri 4 mamyrǵa deıin 38 650 jaǵdaı tirkeldi. Máselen, qańtarda - 3 607, aqpanda - 2 945, naýryzda - 9 525, sáýirde - 20 563 jaǵdaı. Táýliktik ósimniń sál tómendegeni (1,4-ten 1,1-den 1,1-ge deıin) baıqalady, sońǵy 7 kúnde 247,5-ten 243,2-ge deıin, reprodýktıvtik sannyń saqtalýy- 1,0»,- deıdi Almaty ákimi.
Sımptomsyz syrqattardyń jeke úlesi tómendeýde jáne sımptomdy naýqastardyń úlesi artýda: qańtar 73%, aqpan 70%, naýryz 78%%, sáýir 86%, 4 mamyrda 88,8%; mýtatsııalanǵan KVI shtamdarynan týyndaǵan.
Burynǵydaı, qala turǵyndarynyń 20-dan 70 jasqa deıingi belsendi toby negizgi juqtyrýshylar, olar jalpy naýqastardyń 76%-y.
«Sońǵy 14 kúnde KVI juqtyrǵan 9590 naýqastyń ishinde jumys istemeıtinder kóp tirkelgen - 34%, ár túrli JShS, JK, AQ - 23,6%, zeınetkerler - 17,6%, mektep oqýshylary - 6,8% jáne mektep jasyna deıingi balalar arasynda 4,7%. Halyqtyń sanamalanǵan sanattarynyń jalpy úlesi 87%. Halyqtyń qalǵan sanattarynyń arasynda 0,1-den 2% -ke deıingi jaǵdaı tirkeldi, olardyń barlyǵy 13%»,-dep atap ótti Baqytjan Saǵyntaev.
Saýalnama qortyndysy boıynsha juqtyrýdyń yqtımal oshaqtary bazarlarda 10,7% deńgeıde, saýda nysandarynda 28,1% deńgeıde turaqtandy. Qoǵamdyq tamaqtaný oryndarynda juqtyrý deńgeıi 5% kúıinde qalýda.
