Baqytjan Saǵyntaev ınvestorlarǵa «prándik» berýge ýáde etti
ASTANA. QazAqparat - Tehnologııalyq jańǵyrýdy tsıfrlandyrý arqyly ǵana júzege asyrýǵa bolady. Bul týraly búgin elordada ótip jatqan «Kazakhstan Global Investment Roundtable» forýmynda QR Premer-Mınıstri Baqytjan Saǵyntaev aıtty, dep habarlaıdy QazAqparat.
«Jańǵyrýǵa tsıfrlandyrý arqyly baramyz dep aıtar bolsaq, onda bizdiń ınvestorlarǵa qyzyqty bolýy úshin «prıandik» berý qajet. Buǵan qosa, ol sol sektorǵa kelgeni úshin de «prándik» bolýy kerek. Bul «prándikti» biz zańnamamyzda jazdyq. Qazirgi ýaqytta ol Parlamentte qaralýda. Bul jańa Salyq kodeksi, erkin aımaqtar jáne ındýstrıaldy aımaqtar. ıAǵnı, sizder jumys isteıtin salalarda qyzyqty bolýy úshin «prándik» alýlaryńyz qajet. Sizderdiń qaı elge barýda tańdaýlaryńyz bar. Biraq, sizderdiń bizge kelgenderińizdi qalaımyz», - dedi Úkimet basshysy.
Onyń aıtýynsha, elimizdiń zańnamalaryna engizilgen túbegeıli ózgeristerdiń nátıjesinde kásipkerlik sýbektilerin tekserý talaptary 60 paıyzǵa qysqardy, ruqsatnama lıtsenzııalar sany úsh esege kemide, salyq organdarynyń josparly tekserýleri 40 paıyzǵa azaıdy. Sonymen qatar Premer-Mınıstr elimizdiń Jer qoınaýy jáne jer qoınaýyn paıdalaný týraly jańa kodeks ázirlengenin eske salyp ótti.
«Onda qorlardy esepteýdiń halyqaralyq júıesi engizilip, geologııalyq aqparattarǵa erkin ený qamtamasyz etiledi. Qabyldanǵan sharalar jer qoınaýyn paıdalaný quqyǵyn berý merzimin qatty paıdaly qazbalalar boıynsha 18 aıdan 10 kúnge deıin qysqartýǵa múmkindik beredi. Sonymen qatar bıznesti damytý úshin aıtarlyqtaı serpin beretin jańa Keden kodeksi ázirlendi», - dedi ol.
Sonymen qatar Baqytjan Saǵyntaev atalǵan zań jobalaryn taıaý aralyqta Parlament maquldap, olar Elbasynyń qol qoıýyna jiberiletindigine úmit artty. Onyń sózine qaraǵanda, zań jobalary 2018 jyly kúshine enedi dep kútilýde.
