Baqytjan Saǵyntaev Elbasyna ekonomıkanyń 6 aılyq qorytyndysyn baıandady
ASTANA. QazAqparat - Osy aptadan bastap barlyq óńirdiń áleýmettik-ekonomıkalyq kórsetkishteri boıynsha esebi tyńdalady. Bul týraly búgin Úkimet otyrysynda QR Premer-Mınıstri Baqytjan Saǵyntaev aıtty, dep habarlaıdy QazAqparat tilshisi.
«6 aıdyń qorytyndysy boıynsha 4,1 paıyz ósim bar, oń kórsetkish dep te aıtyp jatyrmyz. Biraq, byltyrǵy jartyjyldyqpen salystyratyn bolsaq, ol kezde 4,3 paıyz bolǵan. ıAǵnı, byltyrǵy jylǵy kórsetkishke qol jetizgen joqpyz. Sol sebepten mınıstrler bar, óńirler bar barlyǵymyz el ekonomıkasynyń ósimin qamtamasyz etý boıynsha qajetti sharalardy qabyldaýymyz qajet»,- dedi ol.
Osy oraıda Baqytjan Saǵyntaev búgin Elbasynyń qabyldaýynda bolyp, jartyjyldyqtyń qorytyndysyn baıandaǵanyn basa aıtty.
«Bizge qoıylyp otyrǵan talap - osy qarqynymyzdy joǵaltpaý, jyldyń sońyna deıin 4 paıyzdan tómen ósimdi boldyrmaý. Endigi ýaqytta ótken aılardaǵy kórsetkishter bir-birimen salystyryp otyramyz. Osy aptadan bastap jobalyq keńse boıynsha barlyq mınıstrler men óńirlerdiń ındıkatorlarǵa qol jetkizý máselesine qatysty esebin tyńdaıtyn bolamyz. Soǵan daıyn bolyńyzdar. Kórsetkishterge nelikten qol jetkizilmegenin muqııat qaraımyz», - dedi Úkimet basshysy.
