Baqytjan Saǵyntaev ekstremızm men terrorızmge qarsy is-qımyl máseleleri jóninde keńes ótkizdi
Otyrys barysynda QR Parlamenti depýtattarynyń, Prezıdent Ákimshiliginiń qaýipsizdik keńesi, Ulttyq qaýipsizdik komıteti basshylarynyń jáne tıisti memlekettik organdar ókilderiniń qatysýymen Qazaqstan Respýblıkasynda dinı ekstremızm men terrorızmge qarsy is-qımyl jónindegi 2017-2020 jyldarǵa arnalǵan memlekettik baǵdarlamasy (ári qaraı - Memlekettik baǵdarlama) jobasynyń tujyrymdamasy tanystyryldy.
Memlekettik baǵdarlamanyń tujyrymdamasy Memleket basshysynyń 2016 jylǵy 9 qyrkúıekte Qazaqstan Respýblıkasynyń Qaýipsizdik Keńesiniń otyrysynda bergen tapsyrmasyn oryndaý maqsatynda ázirlengen jáne jańa qaýipter men táýekelderdi esepke alǵanda, dinı ekstremızm men terrorızm qaýpinen jeke tulǵa, qoǵam jáne memleket múddelerin senimdi qorǵaýmen qamtamasyz etýge baǵyttalǵan.
