Baqytjan Saǵyntaev Ekonomıka jónindegi sarapshylyq keńes otyrysyn ótkizdi
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaevtyń qatysýymen Ekonomıka jónindegi sarapshylyq keńestiń kezekti otyrysy ótti, dep habarlaıdy QazAqparat primeminister.kz saıtyna silteme jasap.
Otyrys barysynda Memleket basshysynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty halyqqa Joldaýynda qoıǵan mindetterin eskere otyryp, 2020-2024 jyldarǵa arnalǵan Indýstrıaldy-ınnovatsııalyq damýdyń jańa tujyrymdamasyn əzirleý məselesi talqylandy. Eksportqa baǵyttalǵan ındýstrııalandyrý ekonomıkalyq saıasattyń basty elementi retinde aıqyndalyp otyr, ásirese óńdeýshi sektor eksporttaýshylaryna barynsha qoldaý kórsetilý kerek.
«Astana» halyqaralyq ǵylymı kesheniniń» basshysy A. Boranbaev osy saladaǵy ekonomıkany damytýdyń jańa tásilderiniń jobasymen tanystyrdy. Qalyptasqan jaǵdaıdy taldaǵan sarapshylar taldaýy óndirýshilerdi júıeli qoldaý kelisilgen ári ıntegratsııalanǵan bolýy tıis ekenin kórsetti.
Joba talqylanǵan jıynda Investıtsııalar jáne damý mınıstri J. Qasymbek, «Qazaq munaı jáne gaz ınstıtýty» AQ bas dırektorynyń keńesshisi J.Kúlekeev, «Atameken» UKP basqarma tóraǵasy A. Myrzahmetov, «Rakýrs» ekonomıkalyq taldaý ortalyǵy» qoǵamdyq qorynyń dırektory O. Jandosov, «Oil Gas Project» JShS dırektory J. Ahmetov, «Áleýmettik máselelerdi taldaý ortalyǵy» qoǵamdyq qorynyń dırektory M. Mahmutova jáne basqalar pikirlerimen bólisti.
