Baqytjan Saǵyntaev ekologııalyq menedjmentti jaqsartýdy tapsyrdy

Almaly aýdanynda aýlalardy kúrdeli jóndeýden ótkizý, gazben qamtýdy damytý,nysandardy, sonyń ishinde eń aldymen mektepter men bala baqshalardy seısmıkalyq kúsheıtý qajet. Budan ózge, tozǵan jelilerdi jóndep, jeke úılerdi ortalyqtandyrylǵan káriz júıesine qosý kerek. Aýdan ákimine osy máselelerdi sheshýdiń naqtyly is-qımyl josparyn ázirleý kerektigi aıtyldy.

Baqytjan Saǵyntaev aýdan ákimi B.Torǵaevqa ekologııalyq menedjmentti jaqsartý, apatty aǵashtardy joıyp, jasyl jelekterdi qorǵaý boıynsha jumystar júrgizýdi tapsyrdy.

Sondaı-aq ol «Almaty Tazalyqtyń» jumysymen jáne jańa óndiristik bazanyń qurylysymen tanysty. Jańǵyrtý barysynda bazada jyly garajdar, tuz eritkish toraptar, qum-tuz qoımasy jáne kólik jýatyn oryndar bolady.

Kásiporynnyń basty mindeti - qalany barynsha taza ustaý, qoqysty der kezinde jınaý, aryqtar men jaýyn kárizderin tazartý jáne aldaǵy qysqy maýsymǵa daıyndalý.

Budan ózge, Baqytjan Saǵyntaev ótpeli joldardyń qaýipsizdigi men joldardaǵy JKO oqıǵalary máselelerin qarady.Ákim rettelmegen ótpeli joldardy abattandyrýdy jáne olardy jaryqtandyrýdy mindettedi. Qala basshysy «Qala adamdar úshin» tujyrymdamasy aıasynda Jibek joly kóshesin jańǵyrtýǵa qatysty júrip jatqan qurylys jumystarynyń qarqynyn tekserdi.

Baǵdarshammen retteýdiń, vıdeobaqylaý júıesin damytýdyń tıimdiligi sóz boldy.

B.Saǵyntaev joldarda ólim men jaraqat alýdy azaıtý jónindegi «Vision Zero Almaty» baǵdarlamasy aıasynda jol ınfraqurylymyn rekonstrýktsııalaýdy tekserdi. Baǵdarlama jol qaýipsizdigin arttyrýǵa baǵyttalǵan jáne jol-kólik oqıǵasy kezinde ólim-jitimdi azaıtýdyń oń sharalaryn usynady. Josparda jolǵa, kóshege, jol belgilerine jol qozǵalysyna qatysýshylardy beıimdeý men qoǵamdyq kólik qaýipsizdigin kúsheıtý basty nazarǵa alynǵan.

Dál osy kúni qala basshysy jarty mıllıonǵa jýyq turǵyndy jylý jáne ystyq sýmen qamtamasyz etetin sonaý 1985 jyly salynǵan Tóle bı kóshesi boıyndaǵy jylý magıstralin modernızatsııalaýdyń barysyn tekserdi. Bıylǵy jyly munda jarylý qaýpi bar bólikterge ǵana rekonstrýktsııa júrgizilýde. Qala basshysy bul jumystyń sapasyna baqylaýdy kúsheıtýdi jáne der kezinde aıaqtaýdy tapsyrdy.

Baqytjan Saǵyntaev qalanyń aryq júıeleri men kanaldarynyń jaǵdaıymen tanysty. Qala basshysy aryqtar men jaýyn kárizderin ınventarızatsııalaýdy jáne olardy rekonstrýktsııalaýdy mindettedi. Sondaı-aq, ol sel men kóshelerin sý basyp qalý sebepterin joıýdy tapsyrdy. Sý basyp qalý qaýpi bar ýchaskeler qala ákiminiń baqylaýyna alyndy. Sý basyp qalý qaýpiniń aldyn alý, olarǵa jedel nazar aýdarý jáne zardaptardy joıý úshin jumystardy úılestiretin ortalyqtandyrylǵan júıe engiziledi. Bul ispen TJD men aýdan ákimderi túbegeıli aınalysatyn bolady.

Almaty ákimi «AlmatySpetsTehParkıngtiń» jumysymen tanysty. Jobada álemniń iri qalalarynyń tájirıbeleri negizinde avtokólik turaqtaryn retke keltirý úshin aqyly turaqtar jelisin qalyptastyrý, qala aýmaǵyn tıimdi paıdalaný jáne turǵyndar úshin jaıly orta jasaý qarastyrylǵan. Qazirgi kezde qalada 5909 turaq oryndary bar, olardyń 186-sy múgedek jandaǵa arnalǵan. Turaqtar keńistigi quramyna turaqtar, qozǵalystardy uıymdastyrý, qoǵamdyq kólik pen avtomobılderdi evakýatsııalaý qyzmeti engen ortalyqtandyrylǵan biryńǵaı júıe arqyly basqarylady.

Almaly aýdanyn aralaý barysynda B.Saǵyntaev kólik jáne jol ınfraqurylymyn damytý jónindegi iri jobalardy júzege asyrýǵa qatysyp júrgen qalanyń belsendi jastarynyń ókilderimen áńgimelesti.

«Qalanyń shet aýdandarynda kólikti damytý ıdeıalaryn talqylaý úshin olarmen kezdesýdi josparlaýdamyn. Yntaly belsendi jastar, jastar jáne eriktiler uıymdary megapolısti damytý boıynsha túrli jobalarǵa belsendi túrde qatysýlary tıis dep esepteımin. Barlyǵyńdy birge jumys isteýge shaqyramyn. Qala basqarmalary men aýdan ákimdikteri qoljetimdi bolýlary ári estı de, tyńdaı da bilýleri tıis», - dedi B.Saǵyntaev.

Almaly aýdanyn aralaǵan ákim mánerlep syrǵanýshy Denıs Tenniń qurmetine ashylǵan eskertkishke arnaıy baryp, gúl qoıdy.