Baqytjan Saǵyntaev Dýshanbede TMD úkimetteri basshylary keńesiniń otyrysyna qatysty
TMD bıil Tájikstan Respýblıkasynyń tóraǵalyǵymen ótkiziledi. TMD ÚBK otyrysy bastalmastan buryn Tájikstan Prezıdenti Emomalı Rahmon úkimettik delegatsııalardyń basshylaryn qabyldady. Kezdesý barysynda birlesken jumys josparlary, sondaı-aq Keńestiń aldaǵy otyrysynyń máseleleri qaraldy.
Keńes otyrysyna Belarýs Respýblıkasynyń Premer-Mınıstri A. Kobıakov, Qyrǵyz Respýblıkasynyń Premer-Mınıstri M. Abylgazıev, Reseı Federatsııasynyń Premer-Mınıstri D. Medvedev, Ózbekstan Respýblıkasynyń Premer-Mınıstri A. Arıpov, Tájikstan Respýblıkasynyń Premer-Mınıstri R. Kohır, Ázerbaıjan Premer-Mınıstriniń birinshi orynbasary ıA. Eıýbov, Armenııa Premer-Mınıstriniń birinshi orynbasary A. Mırzoıan, Túrkimenstan Premer-Mınıstriniń orynbasary, syrtqy ister mınıstri R. Meredov, Moldova Respýblıkasynyń TMD jarǵylyq jáne basqa da organdary janyndaǵy turaqty ókiletti ókili V. Sorochan, TMD Atqarýshy komıtetiniń tóraǵasy, atqarýshy hatshysy S. Lebedev qatysty.
Otyrys dástúrli túrde shaǵyn jáne keńeıtilgen quramda ótti.
Shaǵyn formatta delegatsııalardyń basshylary Dostastyq aıasyndaǵy ekonomıkalyq ózara is-qımyldyń ózekti máseleleri boıynsha pikir almasyp, qyzmettermen Erkin saýda kelisiminiń jobasy boıynsha kelissózderdiń barysy týraly aqparat alyp, birqatar uıymdastyrýshylyq sıpattaǵy máselelerdi sheshti. TMD úkimetteri basshylary keńesiniń kezekti otyrysy bıyl kúzde Astanada ótedi.
Sonymen qatar, qazaqstandyq tarap Memleket basshysy Nursultan Nazarbaev 2017 jylǵy 11 qazanda Sochıde ótken TMD memleketteri basshylarynyń keńesi barysynda bastama bildirgen TMD-ny odan ári damytý tujyrymdamasyn jańartý jáne ony iske asyrý boıynsha negizgi is-sharalar jospary aıasynda Dostastyqty jańǵyrtý men jetildirý qajettigi jóninde másele kóterdi.
Keńeıtilgen quramda ótken otyrystyń negizgi taqyryptary qatysýshy elder arasyndaǵy saýda-ekonomıkalyq baılanystardy odan ári nyǵaıtýdy qamtamasyz etý máseleleri boldy. Zııatkerlik menshik, energetıkany ınnovatsııalyq damytý, elektrondyq jáne elektr tehnıkalyq jabdyqtardyń qaldyqtaryn ıgerý, memleketaralyq standarttaý jáne keden isteri salalaryndaǵy yntymaqtastyqty retteý quraldary qaraldy.
TMD úkimetteri basshylarynyń keńesi otyrystarynyń qorytyndysy boıynsha birqatar qujattarǵa qol qoıyldy, atap aıtqanda: TMD-ǵa qatysýshy memleketterdiń zııatkerlik menshik naryǵyn qalyptastyrý jáne damytý týraly kelisim; TMD-ǵa qatysýshy memleketterdiń energetıkany ınnovatsııalyq damytý jáne aldyńǵy qatarly energetıkalyq tehnologııalardy ázirleý jáne ony júzege asyrý boıynsha birinshi kezekti is-sharalar jospary salasyndaǵy yntymaqtastyq tujyrymdamasy týraly sheshim; TMD-ǵa qatysýshy memleketterdiń elektrondyq jáne elektr tehnıkalyq jabdyqtardyń qaldyqtaryn ıgerý salasyndaǵy yntymaqtastyǵy týraly kelisim; Memleketaralyq standarttaý boıynsha qujattardy taratý týraly kelisim; 1994 jylǵy 15 sáýirdegi keden isteri salasyndaǵy yntymaqtastyq jáne ózara kómek týraly kelisimge ózgerister engizý týraly hattama; 2020 jylǵa deıingi TMD-ǵa qatysýshy memleketterdiń ınnovatsııalyq yntymaqtastyǵynyń memleketaralyq baǵdarlamasy aıasynda memleketaralyq ınnovatsııalyq jobalar men is-sharalardy daıyndaý jáne qarjylandyrý tártibi týraly sheshim; TMD-ǵa qatysýshy memleketterdiń muǵalimderi men bilim berý salasy qyzmetkerleriniń sezi jónindegi ereje týraly sheshim; Dostastyqqa qatysýshy memleketterdiń «TMD-ǵa arnalǵan 100 ıdeıa» halyqaralyq jastar jobasy týraly sheshim.
TMD ÚBK jumysy aıasynda QR Premer-Mınıstri Baqytjan Saǵyntaev Reseı Federatsııasy men Qyrǵyz Respýblıkasy úkimetteriniń basshylarymen ekijaqty kezdesý ótkizdi. 
QR Premer-Mınıstri Baqytjan Saǵyntaev pen RF Úkimetiniń tóraǵasy Dmıtrıı Medvedevtiń kezdesýi barysynda ekijaqty ekonomıkalyq jáne saýda qatynastarynyń, energetıka, ónerkásip jáne keden saıasaty salasyndaǵy ózara is-qımylynyń ózekti máseleleri talqylandy.
Kezdesý dástúrli dostyq jáne ashyq, senimgerlik jaǵdaıda ótkizildi.
Qyrǵyzstan Premer-Mınıstri Mýhammedkalyı Abylgazıevpen kezdesýde áleýmettik-ekonomıkalyq, saýda, ınvestıtsııalyq, shekara jáne keden salalarynda qazaqstandyq-qyrǵyz yntymaqtastyǵyn odan ári damytý keleshegi men ózekti máseleleri talqylandy.
Kezdesý ashyq jáne syndarly, dostyq atmosferada ótti. Premer-Mınıstrler osy jyldyń naýryz aıynda Ortalyq Azııa memleketteri basshylarynyń jumys kezdesýi aıasynda jáne Qyrǵyzstan Prezıdenti S. Jeenbekovtyń ótken jyldyń jeltoqsan aıyndaǵy resmı sapary barysynda Astanada eki el Prezıdentteri arasynda jasalǵan kelisimderdiń mańyzdylyǵyn atap ótti. Memleket basshylarynyń 2020 jylǵa deıin ekijaqty saýda aınalymyn $1 mlrd deıin ulǵaıtý jónindegi tapsyrmalarynyń oryndalý qarqyny qaraldy.
Sonymen qatar, talqylaý barysynda 2017 jyldyń 2 jeltoqsanynda Astana qalasynda qol qoıylǵan ekijaqty ekonomıkalyq yntymaqtastyq máseleleri jónindegi jol kartasyn iske asyrý máseleleri jáne aldaǵy Qazaqstanda ótetin TMD ÚBK otyrysyna qatysý máseleleri talqylandy.
Aıta keterligi, ótken jyly Qazaqstan Respýblıkasy men Qyrǵyz Respýblıkasy arasyndaǵy taýar aınalymy 2016 jyldyń sáıkes kezeńimen salystyrǵanda 13,4%-ke ósti (2017 - $758,4 mln, 2016 - $668,6 mln), sondaı-aq, Qazaqstannan eksport 15,1%-ke ósip, $503,2 mln qurady.
