Baqytjan Saǵyntaev «Doing Business» reıtıngisinde QR-nyń pozıtsııasyn jaqsartý máseleleri boıynsha keńes ótkizdi
ASTANA. QazAqparat - Úkimet Úıinde QR Premer-Mınıstriniń birinshi orynbasary Baqytjan Saǵyntaev «Doing Business» Dúnıejúzilik bank reıtıngisinde Qazaqstannyń pozıtsııasyn jaqsartý máseleleri boıynsha keńes ótkizdi, dep habarlaıdy Pm.kz.
«Doing Business» bıznesti júrgizý qolaılylyǵy reıtıngisinde Qazaqstan 2015 jyly 189 eldiń ishinen 41-shi orynǵa turaqtady.
Dúnıejúzilik bank Qazaqstandy eń kóp reforma jasaǵan el retinde atap ótti - on baǵyttyń jeteýinde 19 reforma.
«Doing Business» reıtıngisindegi Qazaqstannyń pozıtsııalaryn jaqsartý aıasynda ruqsat berý rásimderiniń sanyn, merzimderin jáne bıznestiń qarjylaı shyǵyndaryn qysqartýǵa baǵyttalǵan zańnamaǵa túzetýlerdiń tórt paketi qabyldandy. Qazirgi tańda zańnamalyq ózgertýlerdiń besinshi paketi ázirlendi, ol 7 kodeks pen 10 zańǵa 57 túzetýdi qarastyrady.
Keńes qorytyndysy boıynsha B. Saǵyntaev bıznes júrgizý jaǵdaıyn jeńildetý salasynda reformalardy iske qosý boıynsha jumysty jalǵastyrýdy tapsyrdy.
Budan ózge, «Doing Business» reıtıngisiniń baǵyttaryna jaýapty memlekettik organdar birqatar zańnamalyq bastamalar boıynsha biryńǵaı pozıtsııany qalyptastyrýy tıis.
