Baqytjan Saǵyntaev «Digital Almaty 2021» forýmyna qatysýshylarmen kezdesti

ALMATY. QazAqparat - Almaty ákimi Baqytjan Saǵyntaev halyqaralyq ІT qoǵamdastyq ókilderimen birqatar kezdesýler ótkizdi, dep habarlaıdy QazAqparat tilshisi.

Qala ákimi bilim berý salasyndaǵy EduSteppe konsaltıngtik kompanııanyń negizin qalaýshy, Edtech Finland basqarmasynyń keńesshisi Endrıý Nolanmen bilim berýdiń tıimdiligin arttyrý jáne jańa tehnologııalardy engizý máselelerin talqylady. E. Nolan oqýdyń mýltıdıstsıplınarlyq ádisiniń, jasandy ıntellekttiń jáne adaptıvti oqytýdyń múmkindikteri týraly aıtty.

Sonymen qatar, Baqytjan Saǵyntaev «Re-State» qorynyń teń quryltaıshysy jáne bas dırektory Anastasııa Kalınınamen kezdesý barysynda ınnovatsııalyq ekojúıelerdi nyǵaıtý boıynsha tájirıbe almasý perspektıvalary, jańa tehnologııalyq sheshimderdi ázirleý jáne ınnovatsııalyq basqarý taqyryptaryna zertteýler júrgizý máselelerin qarady.

Almaty ákimi Delta work kompanııasynyń basqarýshy Danıel Sıelmen jáne Scal8R quryltaıshysy ári bas atqarýshy dırektory Igor Ovcharenkomen ınnovatsııalyq kásipkerlikti damytý jáne túrli baǵdarlamalar men is-sharalar ótkizý arqyly ekojúıelerdi qurýdy sóz etti.

Aıta keteıik, «Digital Almaty 2021» forýmnyń negizgi taqyryby otandyq ІT-sheshimderdi qoldaý jáne tsıfrlandyrý jobalaryn júzege asyrý.