Baqytjan Saǵyntaev: Dári-dármek tapshylyǵy bolmaıdy
ALMATY.QazAqparat – Almaty qalasynyń ákimi Baqytjan Saǵyntaev qaladaǵy dári-dármekter qoryn qalyptastyrý týraly aıtty, dep habarlaıdy QazAqparat tilshisi.
«Jazda biz qalany dári-dármekpen qamtamasyz etý úshin turaqtandyrý qoryn qurdyq. Biz ony ekige bóldik, dárihanalar jelisine 5 mlrd teńge, aýrýhanalar men klınıkalarǵa 5 mlrd teńge bóldik. Dárihanalarǵa da qarajy qarastyryldy. Qańtardyń aıaǵyna deıin 6 aıǵa kelisimshart jasadyq. Osy ýaqyt aralyǵynda bizdiń dıstrıbıýtorlar iri kólemde dári-dármekter jetkizýleri qajet.40 mln astam dári daıyn bolýy kerek «, - dedi ákim «Almaty» telearnasyndaǵy Akimat LIVE tikeleı efırinde.
Ákimniń aıtýynsha, qazirdiń ózinde qalaǵa 32 mln qorap dári-dármek jetkizilgen.
«Bizde birtutas júıe bar, oǵan sáıkes 325 dárihana baqylanady. Biz qaı jerde jáne qansha dári qalǵanyn únemi qadaǵalap otyramyz. Qazir qoımada 18,5 mln dári bar. Biz dári tapshylyǵyna jol bermeımiz «, - dedi qala basshysy.
