Baqytjan Saǵyntaev Búkilálemdik bank ókilderimen kezdesti
ASTANA. QazAqparat - Búgin Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev Qazaqstannyń ınvestıtsııalyq klımatyn jaqsartý máseleleri boıynsha Búkilálemdik bank ókilderimen kezdesti, dep habarlaıdy Úkimettiń baspasóz qyzmeti.
Kezdesý barysynda QR Investıtsııalar jáne damý mınıstrligi Búkilálemdik bank sarapshylarymen birlesip jasaǵan 2017-2022 jyldarǵa arnalǵan ınvestıtsııa tartý boıynsha QR Ulttyq strategııa jobasy qaraldy.
Memleket basshysy Nursultan Nazarbaevtyń tapsyrmasyn júzege asyrý aıasynda «Kazakh invest» ulttyq kompanııasy» aktsıonerlik qoǵamy quryldy. Kompanııa Qazaqstan Úkimetiniń atynan transulttyq kompanııalar jáne iri ınvestorlarmen biryńǵaı kelissóz júrgizýshi retinde jumys atqarady.
Kompanııanyń basqarma tóraǵasy retinde Maqsat Qabashov taǵaıyndaldy.
