Baqytjan Saǵyntaev: Bostandyq aýdanyna jańa áleýmettik nysandar qajet
ALMATY. QazAqparat- Almaty qalasynyń ákimi Baqytjan Saǵyntaev Bostandyq aýdanyndaǵy jaǵdaımen tanysty, dep habarlaıdy QazAqparat.
«Bostandyq aýdanynyń turǵyndarymen kezdestim. Olar jańadan salynǵan turǵyn keshenderi aınalasynyń retsiz abattandyrylǵanyna shaǵym aıtýda. Jaıaý júrginshilerdiń, ásirese balalardyń qaýipsizdigi alańdatady. Qozǵalys bóligine, eń aldymen balalardyń mektepke baratyn baǵytyna barynsha qaýipsiz ári yńǵaıly ótpeli joldar jasaǵan jón. Aýdan ákimine 15 shildege deıin osy máseleni sheshýdiń naqtyly josparyn usynýdy tapsyrdym»,-dep jazady B.Saǵyntaev facebook paraqshasynda.
Sondaı-aq, B.Saǵyntaev Bostandyq aýdanynyń ákimi A. Rahymbetovke turǵyn úı salǵan kezde birinshi qabattarǵa áleýmettik obektilerdiń ornalasýyn qarastyrýdy tapsyrdy.
«Aldaǵy apparattyq jıynda Bostandyq aýdanynyń ákimi turǵyndardy alańdatyn barlyq máselelerdi sheshýdiń naqtyly sharalaryn usynýy tıis»,-dedi ákim.
