Baqytjan Saǵyntaev boksshy Qanat Islamdy jeńisimen quttyqtady

ALMATY. QazAqparat – Almaty qalasynyń ákimi Baqytjan Saǵyntaev boksshy Qanat Islamdy jeńisimen quttyqtady, dep habarlaıdy QazAqparat.

«Qanat birinshi orta salmaqtaǵy WBO International belbeýi úshin namıbııalyq boksshy Ýolter Kaýtondokvamen judyryqtasty. Ońaıǵa soqpaǵan 10 raýndtyq jekpe-jek pen jankúıerlerdiń tolqynysy. Biraq Qanat jeńiske degen jigeri men qaıtpas qaısar minezin kórsete bildi. 27-shi jeńis qutty bolsyn, chempıon!», - dep jazdy Baqytjan Saǵyntaev Instagram paraqshasynda.

Eske sala keteıik, keshe qazaqstandyq kásipqoı boksshy Qanat Islam namıbııalyq Ýolter Kaýtondokvamen qolǵap túıistirip, jeńiske jetken bolatyn.