Baqytjan Saǵyntaev: Blokpostar alynǵanymen, sanıtarlyq qaýipsizdik talaby saqtalady
ALMATY. QazAqparat – Almatyda 1 maýsymǵa qaraǵan túni qala boıynsha ornalasqan barlyq blokpostar alynady, dep habarlaıdy QazAqparat tilshisi.
Bul týraly qala ákimi Baqytjan Saǵyntaev Instagram áleýmettik paraqshasynda málimdedi.
Sondaı-aq ol blokpostarda jumys istegen barlyq qyzmetkerlerge alǵys aıtty.
«1 maýsymǵa qaraǵan túni qala aýmaǵynda ornalasqan blokpostardy alamyz. Tótenshe jaǵdaı rejımi kezinde bul beketter qaladan shyǵý jáne qalaǵa kirýdi shektedi. Bul – koronavırýstyń taralýyn toqtatý úshin qajetti shara boldy. Barlyq polıtsııa, sanıtarlyq qyzmet, fıto jáne vetbaqylaý qyzmetkerlerine, aýdandyq ákimdikter men Ulttyq gvardııa, Qorǵanys mınıstrliginiń áskerı qyzmetshilerine alǵysymdy bildiremin», - dedi Saǵyntaev.
Onyń aıtýynsha, elde, sonyń ishinde Almatyda jaǵdaıdyń turaqtanýyna baılanysty shekteý alynady.
Baqytjan Saǵyntaev barlyq kásiporyndar men uıymdar sanıtarlyq qaýipsizdiktiń kúsheıtilgen sharalary negizinde jumys isteıtinin eske saldy. Úılerdi, aýla alańdary men kóshelerdi dezınfektsııalaý jumystary júrgizile beredi.
«Belgilengen tártipke baǵynyp, sanıtarlyq gıgıena men áleýmettik qashyqtyqty saqtap, qorǵanys maskalaryn kıip júrýge shaqyramyn. Bul qazirgi ómirdiń qalypty normasyna aınalýy tıis. Ózińizdi jáne jaqyndaryńyzdy qorǵańyz!», - dep jazdy qala ákimi.
Aıta keteıik, osyǵan deıin qaladaǵy blokpostardyń alynatynyny habarlanǵan bolatyn.
