Baqytjan Saǵyntaev «Belsendi qyzmeti úshin» nagradasyn tapsyrdy

ALMATY. QazAqparat- Táýelsizdik kúni qarsańynda Nur Otan partııasy AQF tóraǵasy, Almaty ákimi Baqytjan Saǵyntaev nurotandyqtarǵa «Belsendi qyzmeti úshin» nagradasyn tapsyrdy, dep habarlaıdy QazAqparat tilshisi.

Joǵary partııalyq marapatqa partııa bastamalaryn júzege asyrýǵa belsene qatysqan partııa músheleri ıe boldy. Marapattarǵa bilim, mádenıet, densaýlyq saqtaý salalarynyń ókilderi, kásipkerler jáne Nur Otan partııasynyń qalalyq, aýdandyq fılıaldarynyń, bastaýysh partııa uıymdarynyń qyzmetkerleri ıe boldy.

Partııanyń Almaty qalalyq fılıalynyń tóraǵasy, Almaty qalasynyń ákimi Baqytjan Saǵyntaev halyqtyń ómir súrý sapasyn jaqsartý boıynsha saılaýaldy ýádelerin iske asyrý boıynsha Partııalyq jumystyń mańyzdylyǵyn atap ótti.

Baqytjan Saǵyntaev bıýdjet qarajatynyń jumsalýyna jáne megapolıs ınfraqurylymyn jaqsartý, áleýmettik nysandar men turǵyn úı salý boıynsha júrgizilip jatqan jumystardyń sapasyna partııalyq baqylaýdyń mańyzdylyǵyn atap ótti.
Táýelsizdik kúnine arnalǵan saltanatty is-sharalar partııa fılıaldarynyń barlyq óńirlik alańdarynda ótti. Almatylyqtardan «Belsendi qyzmeti úshin» tósbelgisine 25 partııa múshesi ıe boldy.
Olardyń arasynda bilim berý, densaýlyq saqtaý, ekonomıka, ónerkásip, qoǵamdyq uıymdar, partııanyń Almaty qalalyq jáne aýdandyq fılıaldarynyń qyzmetkerleri bar.