Baqytjan Saǵyntaev: Basty mindet - koronavırýstyń jańa tolqynyn toqtatý
ALMATY. QazAqparat – Almaty ákimi Baqytjan Saǵyntaev megapolıstegi epıdemıologııalyq jaǵdaıǵa arnalǵan onlaın brıfıngte qalanyń «qyzyl» aımaqqa kirý sebebin túsindirdi, dep habarlaıdy QazAqparat tilshisi.
Birinshi sáýirdegi jaǵdaı boıynsha koronavırýs ınfektsııanyń 595 jaǵdaıy tirkeldi,onyń 497-si sımptomdy jáne 98-i sımptomsyz.
«Qalada koronavırýs boıynsha epıdemıologııalyq jaǵdaı kúrdelene túsýde. Ótken aıdyń basynan bastap indettiń úshinshi tolqyny bastaldy. Oǵan sebep mýtatsııalanǵan shtamdardyń paıda bolýy», - deıdi ákim.
Onyń aıtýynsha, megapolıs zerthanalarynda 113 synamanyń mýtatsııa yqtımaldyǵyna zertteýler júrgizildi. 63 synamada mýtatsııanyń joǵary yqtımaldyǵy anyqtaldy, ol qala boıynsha orta eseppen 56 paıyzdy qurady. 113 synamanyń 31-inen brıtandyq shtamm anyqtaldy.
«Sondyqtan qalada qatań shekteý sharalary engizildi. Sonymen qatar, mýtatsııalanǵan shtamdarda qysqa ınkýbatsııa kezeńi baıqalady. Sol úshin ol barlyq toptaǵy adamdarǵa, onyń ishinde 1 jasqa deıingi balalarǵa da qaýip tóndiredi. Qazirgi basty mindet - koronavırýstyń jańa tolqynyn toqtatý»,-deıdi Baqytjan Saǵyntaev.
