Baqytjan Saǵyntaev baron Erık de Rotshıldpen kezdesti
ASTANA. QazAqparat - Búgin Astanada QR Premer-Mınıstri Baqytjan Saǵyntaev baron Erık de Rotshıldpen kezdesý ótkizdi, dep habarlaıdy QR Úkimetiniń baspasóz qyzmeti.
Baqytjan Saǵyntaev baron Erık de Rotshıldpen kezdesý ótkizdi, onda ınvestıtsııalar tartý men ekijaqty yntymaqtastyq máseleleri talqylandy.
Aıta keteıik, Rothschild & Co - Rotshıldter áýletine tıisti, eki júz jyldyq tarıhy bar halyqaralyq táýelsiz qarjy-konsýltatsııalyq fırmasy. Fırmanyń tórt bólimshesi bar: jahandyq qarjylyq keńes berý, aktsıonerlik kapıtalǵa tikeleı ınvestıtsııalar, aýqatty klıentterdiń aktıvterin basqarý jáne ınstıtýtsıonaldyq ınvestorlardyń aktıvterin basqarý.
Fırma 2010 jyldan bastap 419 mámile jasaǵan, olardyń jalpy quny $478 mlrd quraǵan. Aktsıonerlik kapıtalmen mámile boıynsha «Rotshıld» mamandary kompanııanyń Londondaǵy, Parıjdegi, Mılandaǵy, Nıý-Iorktegi, Gonkong jáne Sıdneıdegi bólimshelerinde bar. «Rotshıld» TMD aýmaǵynda 1994 jyldan beri Reseıde qyzmet isteıdi. Qazaqstanda kompanııanyń belsendi jumysy 2006 jyldan bastalǵan.
