Baqytjan Saǵyntaev balalar men múgedekterge arnalǵan áleýmettik nysandarǵa bardy
ALMATY. QazAqparat – Almaty ákimi Bostandyq aýdanyndaǵy jumys sapary kezinde áleýmettik mańyzy bar nysandarda boldy, sonymen qatar qoǵamdyq keńistikterdi abattandyrý barysymen tanysty.
Qala ákimi Instagram -daǵy praqshasynda múmkindigi shekteýli jandarǵa qoldaý kórsetetin Ten Qogam jobasy týraly aıtyp berdi.
«Bul ortalyqta múmkindigi shekteýli azamattardy jańa mamandyqqa oqytyp nemese kásibı biliktiligin damytý arqyly jumysqa ornalasýǵa kómek kórsetiledi. Jobany «Shyraq» QB múgedektigi bar áıelder qaýymdastyǵy» júzege asyryp keledi. Al «Áýen álemi» jobasy balalardyń mýzykalyq qabiletin damytýǵa baǵyttalǵan. Munda balalar dombyra, gıtara men shańqobyzda oınaýǵa tegin úırenedi», - dep jazdy Baqytjan Saǵyntaev.
Qala ákimi dıplom alǵanan keıingi bilim berýdiń halyqaralyq ınstıtýtynda boldy, munda mamandar medıtsına qyzmetkerlerine halyqaralyq standart boıynsha biliktilikti arttyrý kýrstaryn uıymdastyrǵan. Munda kópsalaly klınıka ashyldy.
«Tamos Education mektebiniń, ulttyq kıim men kádesyı ónimderin tigetin tsehtyń damý josparymen, aýlalar, saıabaq, skverler men jaıaý júrginshiler aımaǵyn abattandyrý jumystarynyń barysymen tanystym. Bul jumys qala turǵyndarynyń pikiri men tilekteri eskerile otyryp júrgizilýde», - dep jazdy qala basshysy.
