Baqytjan Saǵyntaev Almatynyń tynys-tirshiligin qalpyna keltirý máseleleri boıynsha keńes ótkizdi

ALMATY. QazAqparat- Qala ákimi Baqytjan Saǵyntaev apparattyq keńeste megapolıstiń tynys-tirshiliginiń ózekti máselelerin qarady, dep habarlaıdy QazAqparat tilshisi.

Baqytjan Saǵyntaev qala ákimdigi ǵımaratynyń qıraýyna baılanysty Almaly aýdany ákimdiginiń ǵımaratynda ákim apparatynyń jumysy ýaqytsha jalǵasatynyn málim etti.

Keńes barysynda saýda, jolaýshylar kóligi nysandarynyń, tirshilikti qamtamasyz etý kásiporyndarynyń jumysyn qalpyna keltirý, joldardy, trotýarlardy jınaý jáne qalpyna keltirý máselesi qaraldy.

Sonymen qatar, KVI boıynsha sanıtarlyq-epıdemıologııalyq ahýal baıandaldy.

Búginde qalada aýrýdyń ósýi baıqalady, bul pandemııanyń jańa tolqynynyń bastalǵanyn kórsetedi. Jaǵdaı rettilikpen bekitilgen omıkron shtammynyń aınalymyn qıyndatady.

Osyǵan baılanysty Almaty ákimi Bauytjan Saǵyntaev sanıtarlyq-epıdemıologııalyq qaýipsizdik sharalaryn kúsheıtýdi, MSAK, Telemedıtsına ortalyǵynyń jumysyn jandandyrýdy, rezervtik tósek-oryndardy kóbeıtýdi tapsyrdy.

Sonymen qatar, ol qala turǵyndary belsendi egilip, revaktsınatsııadan ótýi kerek ekenin atap ótti.

Eske salsaq, tótenshe jaǵdaı rejımine baılanysty qalada saǵat 23.00-den 7.00-ge deıin komendanttyq saǵat jumys isteıdi.

Qala turǵyndary onyń talaptaryn saqtaýǵa mindetti.