Baqytjan Saǵyntaev Almatynyń túıtkili kóp aýdandaryn aralady
ALMATY. QazAqparat – Almaty ákimi Baqytjan Saǵyntaev áleýmettik jelilerdegi akkaýnttarynda qala turǵyndary atap ótken problemalyq aýdandarǵa bardy, dep habarlaıdy QazAqparat.
Atap aıtqanda, Naýryzbaı aýdanyndaǵy Aqjar shaǵyn aýdanyn aralady.
«Moldaǵulova (Maqanshy-Jabaı), Jaýqazyn kósheleri. Ómir sapasyna qatysty máselelerdi kótergen jón. Sý, jaryq, joldar, júıeli avtobýs qozǵalysy kerek. Máseleler bir-birimen ózara baılanysty. Olardy kezeń-kezeńimen sheshý kerek. Eń birinshi sý toǵany máselesiniń sheshimin tabý qajet. Ortalaqtandyrylǵan sý júıesin júrgizý kerek. Ekinshi - kóshelerdi jaryqtandyrý. Úshinshi – ınfraqurylym júrgizý boıynsha jer jáne montajdaý-qurylys jumystaryn aıaqtaǵan soń joldardy jóndeý kerek. Kezeń-kezeńimen sheshemiz. Negizgisi - sý», - dep jazdy Instagram jelisinde qala basshysy.
