Baqytjan Saǵyntaev Almatynyń aqparattyq jáne kólik ınfraqurylymymen tanysty
ALMATY. QazAqparat - QR Premer-Mınıstri Baqytjan Saǵyntaev Almatyǵa jumys sapary barysynda qalanyń aqparattyq jáne kólik ınfraqurylymymen tanysty, dep habarlaıdy QazAqparat tilshisi.
Eń aldymen Úkimet basshysy Open Almaty qoǵamdyq qabyldaýynda boldy.
B.Saǵyntaev ákimdiktiń halyqpen keri baılanys ornatý úshin atqarǵan jumysyn baǵalap, qalanyń birqatar kósheleriniń qaıta jasalǵan kelbetimen tanysty.
Sonymen qatar oǵan qalanyń kólik ınfraqurylymyn jańǵyrtý jospary tanystyryldy.
Open Almaty aralaǵanda Úkimet basshysy SmArtPoint kovorkıng ortalyǵynda boldy.
«Almaty qalasynyń damý ortalyǵy» AQ basshysynyń mindetin atqarýshy R. Asaýbaev Premer-Mınıstrge Open Almaty qoǵamdyq qabyldaýynda kórsetiletin qyzmet túrleri, SmArtPoint alańynda júzege asyrylyp kele jatqan jobalar jaıly, kovorkıng ortalyǵynyń jumys qaǵıdasy týraly baıandady.
Aıta ketý kerek, Open Almaty jańa servısi qala turǵyndaryna kórsetiletin qyzmetterdi bir jerge biriktirgen bolatyn.
Almatynyń ózgergen ortalyǵy Úkimet basshysynyń kóńilinen shyqty.
Almaty ákiminiń orynbasary S.Mákejanov júrgizilgen jumystar jaıly baıandady.
Aıta ketý kerek, ortalyqta sport jáne balalarǵa arnalǵan alańshalar boı kóterdi, ǵımarattardyń qasbetteri biryńǵaı stılge keldi.
Bıyl jazda Almaty qalasynyń tarıhı ortalyǵynyń 3/1-i qaıta jańǵyrtýdan ótken edi.
Jospar boıynsha «Arbat» (Jibek Joly kóshesiniń Qonaev pen Jeltoqsan kósheleriniń arasy), Panfılov kóshesiniń Qabanbaı batyr men Jibek Joly kóshesiniń arasy men «Astana» alańy jaıaý júrgin jolyna aınalmaq.
Gogol men Qabanbaı kósheleri jartylaı jaıaý júrginshiler kósheleri retinde jasalady.
Baqytjan Saǵyntaev Almatynyń arnaıy kólikteriniń ahýalyn tekserdi. Qala ákiminiń orynbasary M.Dáribaev qalanyń daǵdarysqa qarsy baǵdarlamasy aıasynda jol qozǵalysynyń keshendi jospary jóninde, sondaı-aq, Ońaı jol júrý júıesi jóninde baıan etti.
QR Úkimet basshysyna aıtylǵandaı, 143 shaqyrym jol jabyndysy jóndelip, 97 myń sharshy metr trotýar jasalady.
Sonymen qatar, 14,7 shaqyrym aryq jelisi júrgizilip, 42,2 shaqyrym aryq jelisi qaıta jasalady.
«Áıgerim», «Uljan-1, -2», «Qarasý», «Aqbulaq», «Darhan», «Kurylysshy», «Ójet», «Trýdovık», «Shańyraq-1, -2», «Altyn besik», «Dostyq» shaǵynaýdandarynyń 20 myń turǵynyn aýyz sýǵa qosatyn 380 shaqyrymdyq sý qubyrlary ornatylyp jatyr.
