Baqytjan Saǵyntaev almatylyqtarǵa úndeý jasady

ALMATY. QazAqparat - Baqytjan Saǵyntaev «Almaty» telearnasyndaǵy Akimat LIVE baǵdarlamasynyń tikeleı efırinde koronavırýstan ambýlatorııalyq em alyp jatqan qalalyqtardy ózin oqshaýlaý erejesin saqtaýǵa jáne adamdar kóp shoǵyrlanǵan jerlerge barmaýǵa shaqyrdy, dep habarlaıdy QazAqparat tilshisi.

Qala ákiminiń aıtýynsha, mundaı jaýapsyzdyqqa jol berýge bolmaıdy, óıtkeni bul qoǵamdyq densaýlyqqa qaýip tóndiredi.

«Adam sımptomsyz aýrýy múmkin ári ol vırýstyń tasymaldaýshysy barlyq qalalyqtardyń sanıtarlyq-epıdemıologııalyq qaýipsizdik sharalaryn qatań saqtaýlary tıis. Búgingi kúni telemedıtsına ortalyǵynyń baqylaýynda 2306 naýqas úıde jatyr, olardyń 291-i sımptomsyz, 1970-i jeńil jáne 45-i ortasha aýyr dárejede»,- deıdi ol.

Almatynyń sanıtarlyq- epıdemıologııalyq baqylaý departamentiniń málimeti boıynsha, 28 maýsym men 1 shilde aralyǵynda Ashyq jobasy boıynsha jumys isteıtin kásipkerlik nysandaryna kire beristegi skanerleý nátıjesinde 28 turǵynnyń «qyzyl» mártebesi, 9 adamnan «sary» mártebesi rastaldy. Anyqtalǵanyndaı, olar fıtnes-ortalyqtarǵa, basseınderge, kınoteatrlarǵa, kafeler men meıramhanalarǵa kirýge tyrysqan.

«Qalada Ashyq jobasyna 2331 qatysýshy bar. Aıtpaqshy, jobaǵa qatysý erejeleriniń saqtalýy turaqty túrde baqylanady.Aǵymdaǵy jyldyń 1 mamyrynan bastap júrgizilgen reıdter barysynda monıtorıngilik toptar Ashyq jobasynda jumys isteıtin 125 kásipkerlik sýbektileri boıynsha shekteýli karantındik talaptardyń buzylýyn anyqtady»,-deıdi Almaty ákimi.

Ótken aptada koronavırýs juqtyrǵandar sany 1,7 esege ósti, sońǵy táýlikte 299 almatylyqtan koronavırýs anyqtaldy. Táýliktik ósim 0,3%-dy qurady.

«Infektsııalyq statsıonarlarda 1131 adam (80 bala) emdelýde, onyń 33-i óte aýyr, 256-sy aýyr, 842-i ortasha aýyrlyq dárejesinde. Reanımatsııa jáne ıntensıvti terapııa bólimderinde barlyǵy 102 adam bar. Onyń 19 ókpeni jasandy jeldetý apparatyna qosylǵan. Invazıvti emes ÓJJ – 34, High flow apparatynda – 22»,-dep qosty Baqytjan Saǵyntaev.