Baqytjan Saǵyntaev almatylyq kásipkerlerden sanıtarlyq normalardy saqtaýdy surady
ALMATY. QazAqparat – Almaty ákimi Baqytjan Saǵyntaev kásipkerler qaýymynan sanıtarlyq dáriger bekitken normalardy saqtaýdy ótindi, dep habarlaıdy QazAqparat tilshisi.
Qala ákimi Instagram -daǵy paraqshasynda epıdemıologııalyq jaǵdaı turaqtalǵan soń óndiris, qurylys, saýda men qyzmet kórsetý oryndary jumystaryn kezeń-kezeńmen jandandyra bastaǵanyn eske saldy.
«Basty talap – sanıtarlyq normalardy saqtaý. Onyń ózi qıyn emes, ıaǵnı sanıtaızer, qorǵanys betperdesi, qolǵap pen áleýmettik qashyqtyq. Eger iri kásiporyndar jumysyn tekserýden keıin bastasa, shaǵyn bıznes salasyna ruqsat habarlama prıntsıpi boıynsha berildi. Bul rette jaýapkershilik júgi kásipkerge júkteldi», - dep jazdy B. Saǵyntaev.
Tájirıbe kórsetkendeı, jaýapkershilik pen onyń mańyzdylyǵyn túsinetinder kóp emes. Mamandarmen tekserilgen 2,4 myńǵa jýyq sýbektiniń138-inde zań buzýshylyq anyqtaldy. Keıbireýiniń qyzmetin toqtatýǵa týra keldi.
«Kásipkerlik qaýymdastyqtyń ókilderinen ótinip surarym, qyzmet túrine qaramastan, belgilengen normalardy ustaný kerek. Eger qaýipti indettiń qaıta órshýine jol bersek, qalanyń tynys-tirshiligine aýyr soqqy bolary anyq. Bir-birimizdi qoldaıyq», - dep Almaty ákimi qala kásipkerlerine úndeý tastady.
